تیز بارش اور ژالہ باری کی پیشن گوئی کے پیش نظر کسانوں کو ضروری اقدامات کی ضروری ہدایات جاری
پیر 14 مارچ 2016 17:40
پشاور(اُردو پوائنٹ اخبارتازہ ترین - آن لائن۔14 مارچ۔2016ء) صوبائی زرعی اطلاعات ،ایگریکلچر ڈیپارٹمنٹ خیبرپختونخواکی طرف سے جاری ہونے والے اعلامیہ کے مطابق صوبے کے تمام کاشتکاروں کو خبردار کیاگیا ہے کہ رواں ہفتے متوقع تیز بارش اورژالہ باری کے نتیجے میں کھڑی فصلات کو درپیش نقصانات سے بچانے کے لئے ضروری اقدامات اٹھائے جائیں۔ محکمہ زراعت نے اندیشہ ظاہر کیا ہے کہ متوقع بارشوں سے موسم ربیع کی فصلات گندم، چنا اورسبزیات کوپہنچنے والے نقصانات کاکافی خطرہ موجودہے۔
ا س لئے کسان حفظ ماتقدم کے طورپر سبزیات کو دی جانے والی آبپاشی فوری طورپر روک دیں ۔کھیت سے نکاسی آب کاایمرجنسی بنیادوں پر انتظامات کریں اورکھیت میں ہرگز پانی کھڑانہ ہونے دیں۔ سبزیات کو ژالہ باری سے بچانے کے لئے دوران بارش کھیت پر پلاسٹک کاکور چڑھائیں۔(جاری ہے)
اسی طرح ترتیب شدہ ہر قسم کاسپرے وغیرہ موخر کردیں۔ کیونکہ بارشوں کی صورت میں زرعی زہروں کااثر ضائع ہوجاتاہے ۔
وہ زمیندار جنہوں نے نائٹروجنی کھاد استعمال کرلی ہے اسے بھی فی الفور رکوادیں ۔بارش کے بعد زمین کی وتر حالت میں بھی نائٹروجنی کھاد استعمال کی جاسکتی ہے ۔زیادہ بارشوں کی صورت میں گندم کی فصل پرفنجائی سے پیدا ہونے والی بیماریاں کالی کنگھیاری اورزردکنگھیاری کاشدید حملہ ہوسکتا ہے۔ ایسی صورت میں کسان باقاعدگی سے اپنے کھیت کاجائزہ لیا کریں۔ کسی بھی کھیت میں بیماری سے متاثرہ پودے نظر آنے کی صورت اس پودے کو نکال کرکہیں دورزمین میں گہرا دبایاجائے تاکہ بیماری کے پھیلاوٴ کو ختم کرکے یاکم کرا کے گندم کی فصل کو زیادہ نقصان سے بچایا جاسکے۔ بارش کے بعد تیلیہ نامی کیڑے کاحملہ ہونے کا خطرہ رہتاہے۔ کھیت کامتواتر جائزہ لینا چاہیے اورتیلیہ کے حملے کی صورت میں زرعی ماہرین کے مشورے سے ضروری زہرپاشی کرنی چاہیے۔متعلقہ عنوان :
مزید موسم کی خبریں
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
-
کراچی نے آلودگی میں دنیا کے تمام شہروں کو پیچھے چھوڑ دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.