لاہور پریس کلب کے صدرمحمدشہبازمیاں کا مظفرآباد سنٹرل پریس کلب کو جڑواں کلب کا درجہ دینے کا اعلان

Mian Nadeem میاں محمد ندیم پیر 14 مارچ 2016 21:35

لاہور پریس کلب کے صدرمحمدشہبازمیاں کا مظفرآباد سنٹرل پریس کلب کو جڑواں ..

لاہور(ا ردو پوائنٹ اخبارتازہ ترین-انٹرنیشنل پریس ایجنسی۔14مارچ۔2016ء) لاہور پریس کلب کے صدرمحمدشہبازمیاں نے آزاد جموں کشمیر کے دارالحکومت مظفرآباد میںقائم سنٹرل پریس کلب کو جڑواں کلب کا درجہ دینے کا اعلان کرتے ہوئے کہاہے کہ اس سلسلہ میں باہمی یادداشت پر دستخط دورہ کشمیر کے موقع پر کئے جائیں گے۔ یہ بات انھوںنے سنٹرل پریس کلب کے سولہ رکنی وفد سے خطاب کرتے ہوئے کہی۔

دورے پر آئے وفد کی قیادت سردارذوالفقارعلی اور راجہ وسیم کررہے تھے۔اس موقع پر شہبازمیاں نے مزید کہاکہ لاہور پریس کلب کشمیری صحافیوں کی پیشہ وارانہ تربیت کے لئے تمام سہولیات فراہم کرے گاجس کے لئے لاہور کے صحافیوں کا ایک وفد جلد کشمیر کا دورہ کرے گا۔ ان کا کہناتھاکہ پاکستان میں بدقسمتی سے حکمرانوں کی نااہلی کے باعث ملک کے طول وعرض میں دہشت گردی کی ایسی لہراٹھی کہ قوم کا سب سے بڑا مسئلہ انسداد دہشت گردی ہی بن کے رہ گیاجس کے باعث مسئلہ کشمیر سمیت تمام ایشوزالتواءکا شکارہوکر رہ گئے لیکن کشمیر ی پاکستانی عوام کے لئے دل کی دھڑکن کی حیثیت رکھتے ہیںجن سے ہماراجذباتی لگاﺅہے اور ہم ہر دکھ دردمیں ان کے ساتھ برابرکے شریک ہیں۔

(جاری ہے)

انھوںنے مزید کہاکہ یہ میڈیاکی ذمہ داری ہے کہ وہ کشمیریوں کے مسائل کو اجاگرکریں اور اس کے لئے دونوں طرف کے صحافیوں کے ایک دوسرے سے روابط اور میل جول میں اضافہ وقت کی اہم ضرورت ہے تاکہ درپیش مسائل کو میڈیا کے ذریعے بہتراندازمیں اجاگرکیا جاسکے۔ پریس کلب کے خزانچی ظہیر احمدبابرنے وفد کو پریس کلب میں ہونے والی سرگرمیوں اور ممبران کو مہیا کی گئیں سہولیات کے حوالے سے آگاہ کیا ۔

اس موقع پر نائب صدر عبدالمجید ساجد،سیکرٹری شاداب ریاض،جوائنٹ سیکرٹری زاہد گوگی،ممبر گورننگ باڈی عمران شیخ، محسن علی، جواد رضوی اور سینئر ممبران حامد ریاض ڈوگر،میاں محمد ندیم‘بخت گیر چوہدری،اسراربخاری،خواجہ آفتاب حسن کے علاوہ کشمیری وفد میں امتیاز اعوان،کاشف میر،جاوید چوہدری،نصیر ا عوان،تنویر تنولی،جہانگیر اعوان،ثاقب حیدری، دلپذ یر عباسی، راجہ شجاعت ،فرحان احمد خان اور دیگر شامل تھے۔لاہور پریس کلب کی جانب سے معزز مہمانوں کو سنٹرل پریس کلب کے پچاس سال مکمل ہونے پر یادگاری شیلڈ اور پھول پیش کئے گئے ۔

لاہور پریس کلب کے صدرمحمدشہبازمیاں کا مظفرآباد سنٹرل پریس کلب کو جڑواں ..

متعلقہ عنوان :