قومی اسمبلی میں اپوزیشن نے پی آئی اے کو نجی کمپنی بنانے کے ترمیمی بل کی منظوری کیلئے حکومتی تحریک کی مخالفت کردی
ایوان میں بحث کے بعد سپیکر کی تجویز پر اتفاق رائے کے حصول کیلئے معاملہ 2دن کیلئے موخر حکومت پارلیمنٹ کے مشترکہ اجلاس سے پی آئی اے نجکاری بل منظور کرانے کے فیصلے پر نظرثانی کرے، اگر حکومت نے سینیٹ کا فیصلہ عددی اکثریت پر قومی اسمبلی میں بلڈوز کیا تو صوبوں کو اچھا پیغام نہیں جائیگا،حکومت کے فیصلوں سے دونوں ایوانوں میں تفریق پیدا کی جا رہی ہے، تحریک پر بحث کے دوران نو ید قمر، شیریں مزاری،شیخ رشید، محمود اچکزئی، صاحبزادہ طارق اﷲ اور کنور نویدکا اظہار خیال
پیر 14 مارچ 2016 21:38
اسلام آباد (اُردو پوائنٹ اخبارتازہ ترین - آئی این پی۔14 مارچ۔2016ء) قومی اسمبلی میں پی آئی اے کو کارپوریشن سے پرائیویٹ لمیٹڈ کمپنی بنانے کے ترمیمی بل کی منظوری کے لئے حکومت کی طرف سے پیش کی گئی تحریک اپوزیشن کی مخالفت اور ایوان میں بحث کے بعد سپیکر ایاز صادق کی تجویز پر اتفاق رائے کے حصول کیلئے 2دن کیلئے موخر کر دی گئی۔ پیر کو وزیر مملکت شیخ آفتاب نے تحریک ایوان میں منظوری کیلئے پیش کی تو پی پی پی کے سید نوید قمر نے تحریک کی مخالفت کی، جس پر سپیکر نے تحریک پر بحث کرائی، سید نوید قمر سمیت عوامی تحریک کے سربراہ شیخ رشید احمد، پی ٹی آئی کی چیف وہیپ شیریں مزاری، پختونخوا میپ کے سربراہ محمود خان اچکزئی، جماعت اسلامی کے پارلیمانی لیڈر صاحبزادہ طارق اﷲ اور ایم کیو ایم کے کنور نوید جمیل نے بحث میں حصہ لیتے ہوئے حکومت سے مطالبہ کیا کہ وہ دونوں ایوانوں کے مشترکہ اجلاس سے بل منظور کرانے کے فیصلے پر نظرثانی کرے، اگر حکومت نے چاروں صوبوں اور فیڈریشن کے نمائندہ ایوان، سینیٹ کا فیصلہ عددی اکثریت پر قومی اسمبلی میں بلڈوز کیا تو صوبوں کو اچھا پیغام نہیں جائے گا، بحث کے بعد سپیکر نے حکومت کو اپوزیشن سے مشاورت کر کے اتفاق رائے کے حصول کیلئے بل دو دن موخر کرنے کی تجویز دی، جسے حکومت نے تسلیم کرلیا، جس پر بل دو دن کیلئے موخر کر دیا گیا۔
(جاری ہے)
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.