(ن) لیگ کے میر شفیق خان کھوسو نے ساتھیوں سمیت پیپلز پارٹی میں شمولیت اختیار کرلی
پیپلزپارٹی کی جڑیں عوام میں بہت گہری ہیں ، پیپلزپارٹی صوبہ کے لوگوں کی خدمت میں یقین ر کھتی ہے ، وزیراعلیٰ سندھ
پیر 14 مارچ 2016 22:27
کراچی (اُردو پوائنٹ اخبارتازہ ترین - این این آئی۔14 مارچ۔2016ء) پاکستان مسلم لیگ (ن) کے رہنما میر شفیق خان کھوسو نے وزیراعلیٰ سندھ اور پی پی سندھ کے صد ر سید قائم علی شاہ اور ایم این اے فریال تالپر کی موجودگی میں اپنے قبیلے کے لوگوں کے ساتھ پاکستان پیپلزپارٹی میں شمولیت کا اعلان کیا۔ شفیق کھوسو کا تعلق ضلع جیکب آباد سے ہے اور وہ ٹھل تعلقہ ضلع جیکب آباد کے معزز سیاسی خاندان سے تعلق رکھتے ہیں ان کے والد میر دریاخان کھوسو رکن قومی اسیمبلی اور مجلس شوریٰ کے رکن تھے۔
انکے بڑے بھائی مرحوم میر حسن کھوسو پی پی کی ٹکٹ پر دو مرتبہ ایم پی اے منتخب ہوچکے ہیں۔ میر شفیق کھوسو نے سول سروس کو جوائن کیا تھا اور وہ سندھ حکومت سے بطور سیکریٹری کے ریٹائرڈ ہوئے۔ ریٹائیرمنٹ کے بعد انہوں نے پی ایم ایل (ن) کے پلیٹ فارم سے سیاسی زندگی کا آغاز کیا۔(جاری ہے)
میر شفیق کھوسو نے پی پی پی سندھ کے صدر اور وزیراعلیٰ سندھ سید قائم علی شاہ اور ایم این اے فریال تالپر سے وزیراعلیٰ ہاؤس میں ملاقات کی اور اپنے قبیلے کے لوگوں سپورٹرز او رورکرز کے ساتھ پی پی پی میں شمولیت کا اعلان کیا۔
پی پی سندھ کے صدر اور وزیراعلیٰ سندھ سید قائم علی شاہ نے میر شفیق کھوسو اور ان کے لوگوں کو خوش آمدید کہتے ہوئے کہا کہ پیپلزپارٹی کی جڑیں پاکستان باالخصوص صوبہ سندھ کے عوام میں بہت گہری ہیں اور پیپلزپارٹی صوبہ کے لوگوں کی خدمت میں یقین ر کھتی ہیں اور یہی وجہ ہے کہ سند ھ کے لوگ پی پی پی کے ساتھ ہیں۔ انہوں نے کہا کہ میر شفیق کھوسو کی شمولیت پارٹی کے لئے اچھی بات ہے۔ انہوں نے کہا کہ وہ اچھے سول سرونٹ رہے ہیں اور اب وہ ایک اچھے سیاستدان ثابت ہونگے ۔ انہوں نے انکی اور ان کے لوگوں کی پی پی میں شمولیت پر زبردست طریقے سے خوش آمدید کہتے ہوئے کہا کہ ان کی پی پی میں شمولیت سے پی پی پی جیکب آباد اور کشمور اضلاع میں مزید مستحکم ہوگی۔میڈم فریال تالپر نے شفیق کھوسو اور ان کے سپورٹرز اور ورکرز کو خوش آمدید کہتے ہوئے کہا کہ یہ پیپلزپارٹی کی مقبولیت ہے کہ لوگ اس کے پلیٹ فارم سے سیاست کرنا چاہتے ہیں۔ انہوں نے کہا کہ میر شفیق کھوسو کے بھائی مرحوم میر حسن کھوسو ہمار ے ورکر اور ایم پی اے تھے اور اب انکے بھائی شفیق کھوسو نے بھی پیپلزپارٹی میں شمولیت اخیتار کی ہے ۔ انہوں نے کہا کہ پی پی ایک خاندان کی مانند ہے اور ہم آپ کو اپنے خاندان میں خوش آمدید کہتے ہیں۔ پیپلزپارٹی میں شمولیت کرنے والوں میں میر عامر خان کھوسو ،میر فخرالدین کھوسو، حاجی خیر محمد کھوسو، محمد خان کھوسو، میر عمر خان کھوسو، ڈاکٹر زاہد خان کھوسو ، میر الطاف خان کھوسو، میر عاطف خان کھوسو ، میر حنیف خان کھوسو ، محمد عیسیٰ کھوسو، نذیر احمد کھوسو اور حامد خان کھوسو شامل ہیں۔ اس موقعہ پر سینیٹر سعید غنی ، ایم این اے اعجاز جکھرانی ، مرتضی وہاب، وزیراعلیٰ سندھ کے معاون خصوصی وقار مہدی اور پولیٹیکل کوآرڈینیٹر صدیق ابو بھائی بھی موجود تھے۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.