آصف زرداری کسی کے خوف سے باہر بیٹھے ہیں ‘ آرمی چیف کی ریٹائرمنٹ تک واپس نہیں آئیں گے ‘ذو الفقار مرزا

لگتا ہے مصطفی کمال میری پریس کانفرنس سے پوائنٹس نکال کر بولتا ہے ‘ میڈیا سے گفتگو

منگل 15 مارچ 2016 14:56

آصف زرداری کسی کے خوف سے باہر بیٹھے ہیں ‘ آرمی چیف کی ریٹائرمنٹ تک واپس ..

حیدر آباد (اُردو پوائنٹ اخبارتازہ ترین - این این آئی۔15 مارچ۔2016ء) سابق وزیر داخلہ سندھ ذوالفقار مرزا نے کہا ہے کہ آصف زرداری کسی کے خوف سے باہر بیٹھے ہیں اور وہ آرمی چیف کی ریٹائرمنٹ تک واپس نہیں آئیں گے ‘لگتا ہے مصطفی کمال میری پریس کانفرنس سے پوائنٹس نکال کر بولتا ہے۔

(جاری ہے)

میڈیا سے گفتگو کرتے ہوئے ذوالفقار مرزا نے کہاکہ پی پی جب عوامی پارٹی تھی تب تک میں اس کے ساتھ تھا مگر جب پی پی نے سندھ کو بیچنا شروع کیا تو ان کیخلاف کھڑا ہوگیا ، سابق صدر آصف زرداری، آرمی چیف جنرل راحیل شریف کی ریٹائرمنٹ تک پاکستان واپس نہیں آئیں گے۔

مصطفی کمال کے بارے میں بات کرتے ہوئے انہوں نے کہاکہ مصطفی کمال کی باتیں اچھی لگ رہی ہیں لگتا ہے کہ وہ میری پریس کانفرنس سے پوائنٹس نکال کر بولتے ہیں ‘ سندھ میں اردو بولنے والوں کو حقیقی لیڈر کی ضرورت ہے اور ان کی آمد خوش آئند ہے اگر وہ ایسے ہی رہے توان کا مستقبل روشن ہے۔