آئین کی فراہمی ،جمہوریت کی بحالی،،این ایف سی ایوارڈ ،صوبائی خودمختاری،اٹھارویں ترمیم،پارلیمانی جمہوری کا قیام پیپلزپارٹی کیجمہوری تحفے ہیں،آئین پاکستان کی وجہ سے قومی اتحاد کا وجود قائم ہے
پیپلز پارٹی کے چیئرمین بلاول بھٹو زرداری کی سابق چیئرمین سینیٹ نیئر حسین بخاری سے ملاقات میں گفتگو
بدھ 16 مارچ 2016 14:35
اسلام آباد(اُردو پوائنٹ اخبارتازہ ترین - آئی این پی۔16 مارچ۔2016ء) پیپلز پارٹی کے چیئرمین بلاول بھٹو زرداری نے کہا ہے کہ سرزمین بے آئین پاکستان میں 1973کے آئین کی فراہمی آمرانی ادوار میں آئین میں کی گئی پیوند کاریوں کا خاتمہ، جمہوریت کی بحالی،مضبوطی ،تسلسل،این ایف سی ایوارڈ ،صوبائی خودمختاری،اٹھارویں ترمیم،پارلیمانی جمہوری کا قیام پی پی پی کے کارنامے اور جمہوری تحفے ہیں،آئین پاکستان کی وجہ سے قومی اتحاد کا وجود قائم ہے۔
سابق چیئرمین سینیٹ سید نیئر حسین بخاری سے ملاقات میں بلاول بھٹو زرداری نے کہا کہ پی پی پی کے ادوار میں پاکستان کو نا قابل تسخیر بنانے کیلئے دفاعی اداروں کا قیام عمل میں آیا۔آئین پاکستان کے تحت آئینی ادارے قائم ہوئے اور عوام کو ریاستی اور سیاسی امور میں براہ راست شریک کیا گیا۔(جاری ہے)
آج بھی پی پی پی محروم و مظلوم طبقات کی امید ،جمہوریت کی محافظ اوروفاق پاکستان کے استحکام کی ضمانت ہے ۔
پی پی پی کو ختم کرنے کے خواہش مندوں کا نام لیوا کوئی نہیں اور بھٹو خاندان گڑھی خدا بخش سے آج بھی عوام کے دلوں پر حکمرانی کر رہا ہے۔پی پی پی کی جمہوریت، دوستی اور آمریت کے خلاف ڈٹ کر مقابلہ کرنے کی وجہ سے آمریت پرست بھی جمہوریت کی مضبوطی کے راگ لاپتے ہیں جو پی پی پی اور جمہوری حکومتوں کی فتح ہے۔بلاول بھٹو زرداری نے کہا کہ پی پی پی ملکی کی واحد سیاسی جماعت ہے جو ملک کے کونے کونے میں موجود ہے اور پی پی پی پاکستان کی سیاست میں نظریاتی یونیورسٹی ہے۔پاکستان کا روشن مستقبل اداروں کی مضبوطی اور جمہوریت کے تسلسل میں مضمر ہے۔سابق چیئرمین سینیٹ سید نیئر حسین بخاری نے کہا کہ قائد ایوان ذو الفقار علی بھٹو سیاست کو ڈرائنگ روم سے نکا ل کر کھیت کھلیان میں لائے اور پاکستا ن میں اہم آئینی عہدوں پر پارٹی کارکنوں پر تعیناتی صرف پی پی پی کا ہی شیوا ہے۔پیپلز پارٹی آج بھی مظلوم و محروم طبقات کی نمائندہ جماعت ہے ۔جمہوریت اور وفاق پاکستان کی مضبوطی کیلئے قائدین اور کارکنوں نے شہادتوں کے نذرانے پیش کئے۔پاکستان کو کمزور اور عوام کو محکوم بنانے کی ہر سازش اور منصوبے کو پی پی پی نے عوامی قوت سے ناکام بنا دیا۔جمہوری قوتیں آئین پارلیمنٹ اور جمہوریت کے محافظ کا کردار ادا کر رہی ہیں ا ور کہا کہ ایک حکومت سے دوسری حکومت کو پر امن اقتدار کی منتقلی سیاسی قوتوں کی کامیابی ہے۔سید نیئر حسین بخاری نے بلاول بھٹو زرداری سے پارٹی کی تنظیم نو پارٹی کارکنوں سے براہ راست رابطوں کے حوالے سے مشاورت کرتے ہوئے تجویز کیا کہ بے نظیر بھٹو شہید کے قائم کردہ پالیسی ونگ کو بحال کیا جائے۔متعلقہ عنوان :
مزید اہم خبریں
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.