تاجکستان کے پارلیمانی وفد کی قومی اسمبلی آمد ، حکومتی اور اپوزیشن ممبران کی طرف سے مہمانوں کا پرتپاک خیر مقدم
تاجک پارلیمنٹیرینز کے دورے سے دونوں ملکوں کے درمیان دیرینہ تعلقات مزید مضبوط ہوں گے ، شاہ محمود قریشی طلال چوہدری ، آفتاب شیرپاؤ، غلام احمد بلوراور دیگر کے خیر مقدمی کلمات
بدھ 16 مارچ 2016 19:53
اسلام آباد (اُردو پوائنٹ اخبارتازہ ترین - آئی این پی۔16 مارچ۔2016ء) قومی اسمبلی میں تاجکستان کی پارلیمنٹ کے سپیکر کی قیادت میں تاجک پارلیمنٹیرینز کی آمد پر حکومتی اور اپوزیشن ارکان کی طرف سے مہمانوں کا پرتپاک خیر مقدم کیا گیا، تمام پارلیمانی جماعتوں کے قائدین اور نمائندوں نے اظہار خیال کرتے ہوئے کہا کہ تاجک پارلیمنٹیرینز کے دورے سے دونوں ملکوں کے درمیان دیرینہ تعلقات مزید مضبوط ہوں گے، دونوں ملک مل کر خطے میں دہشت گردی کے خاتمے ، منشیات کی سمگلنگ کی روک تھام اور غربت کے خاتمے میں اہم کردار ادا کر سکتے ہیں۔
بدھ کو تاجک ارکان پارلیمنٹ کا وفد قومی اسمبلی کی کارروائی دیکھنے کیلئے پہنچا تو ڈپٹی سپیکر نے سپیکر گیلری میں ان کی آمد پر ایوان کو مطلع کیا، تمام ارکان نے ڈیسک بجا کر مہمانوں کا خیر مقدم کیا۔(جاری ہے)
اس موقع پر اظہار خیال کرتے ہوئے پاک تاجک گروپ کے کنوینئر طلال چوہدری نے کہا کہ نواز شریف کے دور میں پاک تاجک تعاون ہر شعبے میں بڑھ رہا ہے، سپیکر ایاز صادق تاجک سپیکر اور ان کے رفقاء کو مدعو کرنے پر مبارکباد کے مستحق ہیں۔
پی ٹی آئی کے ڈپٹی پارلیمانی لیڈر شاہ محمود قریشی نے کہا کہ دونوں ملک مل کر سمگلنگ اور دہشت گردی کے خاتمے کیلئے اہم کر دار ادا کر سکتے ہیں۔ وفاقی وزیر زاہد حامد نے کہا کہ تاجک وفد کے دورے سے دونوں ملکوں کے درمیان تعلقات میں مزید اضافہ ہو گا، وسط ایشیائی ریاستوں اور پاکستانی عوام کے درمیان گہرے مذہبی اور ثقافتی تعلقات ہیں، آنے والے دنوں میں تعلقات اور تعاون کی نئی راہیں کھلنے کا امکان ہے، جس سے دونوں ملکوں کے عوام کیلئے ترقی کے مواقع پیدا ہوں گے۔ اس موقع پر قومی وطن پارٹی کے سربراہ آفتاب خان شیرپاؤ، اے این پی کے غلام احمد بلور، پی پی پی کی نفیسہ شاہ، ایم کیو ایم کے آصف حسنین، فاٹا رکن شاہ جی گل آفریدی، پختونخوا میپ کے عبدالقہار خان(ن) لیگ کے قیصر شیخ اور جماعت اسلامی کی عائشہ سید اور جے یو آئی کی آسیہ ناصر نے بھی تاجک پارلیمنٹ کے ارکان کی آمد پر اظہار خیال کرتے ہوئے خیرمقدمی کلمات کہے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.