کوشش ہو گی کہ آئندہ میچز میں بھی اچھی فارم برقرار رکھ سکوں، محمد حفیظ
محمد حفیظ نے بنگلا دیش کے خلاف 42 گیندوں پر 64 رنز کی برق رفتار اننگز کھیلی
بدھ 16 مارچ 2016 20:00
کولکتہ(اُردو پوائنٹ اخبارتازہ ترین - آئی این پی۔16 مارچ۔2016ء) پاکستان کرکٹ ٹیم کے بلے باز محمد حفیظ کا کہنا ہے کہ بنگلا دیش کے خلاف ٹیم کو اچھا آغاز فراہم کر کے بڑے ٹوٹل کی بنیاد رکھی اور کوشش ہو گی کہ آئندہ میچز میں بھی فارم برقرار رکھ سکوں۔میچ کے بعد اپنے انٹرویو میں محمد حفیظ کا کہنا تھا کہ گزشتہ کئی ماہ سے ٹی ٹوئنٹی میں اچھی کارکردگی نہیں دکھا پا رہے تھے لیکن یہ ٹورنامنٹ ایک علیحدہ ٹورنامنٹ ہے اس کے لئے تمام لڑکوں نے بہت محنت کی ہے اور یہی وجہ ہے کہ ہم نے وارم اپ میچ میں سری لنکا کے خلاف بھی اچھا پرفارم کیا تھا جس سے لڑکوں کو اعتماد ملا اور بنگلہ دیش کیخلاف میچ میں بھی ٹیم کو اچھا آغاز فراہم کر کے بڑے ٹوٹل کی بنیاد رکھی اور 202 رنز کا ہدف دیا۔
حفیظ کا کہنا تھا کہ ٹی ٹوئنٹی میں سلو وکٹ پر 200 سے زائد رنز کا ہدف اچھا ٹوٹل ہے لیکن میچ جیتنے کے لئے بھرپور محنت کرنا ہوگی اور ہمارے پاس فاسٹ اور اسپن بولنگ کا اچھا کمبی نیشن موجود ہے۔(جاری ہے)
ان کا کہنا تھا کہ کوشش کروں گا کہ ٹورنامنٹ کے اگلے میچز میں بھی اسی فارم کو برقرار رکھوں۔واضح رہے کہ محمد حفیظ نے بنگلا دیش کے خلاف ٹی ٹوئنٹی ورلڈ کپ کے دوسرے میچ میں 42 گیندوں پر 64 رنز کی اننگز کھیلی۔ اٹھارویں اوور میں تسکین احمد کی گیند پر شبیر رحمان نے ناقابل یقین کیچ پکڑ کر ان کی اننگز کا خاتمہ کیا۔
مزید کھیلوں کی خبریں
-
سوشل میڈیا پر میرا کوئی اکائونٹ نہیں، سابق کرکٹر سعید انور
-
پاکستان کرکٹ ٹیم کی آئی سی سی ٹی ٹوئنٹی ورلڈ کپ کی تیاریوں کا آغاز
-
شاہین آفری سے تعلق پرانا اور مضبوط ہے ، بابر اعظم
-
پاکستان کرکٹ بورڈ کی جانب سے فاسٹ بولر محمد عامر کو تنبیہ
-
اذلان شاہ ہاکی ٹورنامنٹ کیلئے کراچی کے بعد اسلام آباد میں بھی پاکستان ہاکی ٹیم کے کیمپ کا آغاز ہوگیا
-
پاکستان ویسٹ انڈیز ویمنز ون ڈے سیریز (کل)سے کراچی میں شروع ہوگی
-
پاکستان کے دو اسکواش پلیئرز سامان نہ پہنچنے پر آئرلینڈ میں پریشان
-
پاکستان ویسٹ انڈیزویمنز ون ڈے سیریز(کل) سے کراچی میں شروع ہوگی
-
بابر اعظم 100 ففٹی پلس مکمل کرنے والے دنیا کے چوتھے بلے باز بننے سے صرف 2 نصف سنچریاں دور
-
پاکستان ٹین پن باؤلنگ فیڈریشن کا پاکستان ماسٹر اوپن ٹین پن بائولنگ چیمپئن شپ کے لئے آرگنائزنگ کمیٹی کا اعلان
-
بیڈمنٹن کا سمر کیمپ 15 جون سے شروع ہو گا
-
محمد عامر نے 4 سال بعد قومی ٹیم کی گرین شرٹ پہن لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.