پاکستان اور تاجکستان کے درمیان توانائی، تجارت اور دفاع سمیت تمام شعبوں میں تعلقات پر پیشرفت پر اطمینان بخش ہے، وزیراعظم محمد نواز شریف
پارلیمانی روابط دونوں ممالک کے درمیان تعلقات کے فروغ میں اہم کردار کے حامل ہیں، تاجکستان کی مجلس نمائندگان کے چیئرمین ظہروف شکر جان سے ملاقات میں گفتگو
بدھ 16 مارچ 2016 21:42
اسلام آباد ۔ 16 مارچ (اُردو پوائنٹ اخبارتازہ ترین - اے پی پی۔16 مارچ۔2016ء) وزیراعظم محمد نواز شریف نے پاکستان اور تاجکستان کے درمیان توانائی، تجارت اور دفاع سمیت تمام شعبوں میں تعلقات پر پیشرفت پر اطمینان کا اظہار کرتے ہوئے کہا ہے کہ پارلیمانی روابط دونوں ممالک کے درمیان تعلقات کے فروغ میں اہم کردار کے حامل ہیں۔ انہوں نے یہ بات بدھ کو تاجکستان کی مجلس نمائندگان کے چیئرمین ظہروف شکر جان سے ایوان وزیراعظم میں گفتگو کرتے ہوئے کہی۔
وزیراعظم نے ان کا پرجوش خیرمقدم کرتے ہوئے کہا کہ پاکستان اور تاجکستان کے درمیان شاندار روابط استوار ہیں جن کی جڑیں تاریخ، مذہب اور مشترکہ ثقافت میں پیوستہ ہیں۔ وزیراعظم نے اس امر پر اطمینان کا اظہار کیا کہ دونوں ممالک کے درمیان توانائی، تجارت اور دفاع سمیت تمام شعبوں میں تعلقات آگے بڑھ رہے ہیں۔(جاری ہے)
انہوں نے کہا کہ پارلیمانی روابط دونوں ممالک کے درمیان تعلقات کے فروغ میں اہم کردار کے حامل ہیں۔
صدر رحمانوف کے دورہ پاکستان کا ذکر کرتے ہوئے وزیراعظم نواز شریف نے کہا کہ دونوں ممالک کو باہمی تجارت 500 ملین ڈالر تک لانے کے لئے کوششیں کرنی چاہئیں۔ پاکستان کاسا۔1000 منصوبے پر عمل درآمد میں گہری دلچسپی رکھتا ہے۔ علاقے میں امن و استحکام کے لئے پاکستان کی کاوشوں کا ذکر کرتے ہوئے وزیراعظم محمد نواز شریف نے کہا کہ پاکستان خطے میں امن و استحکام کی خاطر اپنے ہمسایوں کے ساتھ روابط کو فروغ دینے کا خواہاں ہے۔ افغانستان میں امن، استحکام اور ترقی میں پاکستان کا اہم مفاد وابستہ ہے۔ ہم افغانستان میں پائیدار امن کے قیام کے پیش نظر افغان قیادت میں امن کے عمل کے ذریعے امن اور مفاہمت کے فروغ کے لئے مخلصانہ اور مسلسل کوششوں میں مصروف ہیں۔ اس موقع پر ظہروف شکرجان نے ہمسایوں کے ساتھ پرامن تعلقات کے لئے وزیراعظم کے وژن کو سراہتے ہوئے افغانستان میں امن اور مفاہمت کے فروغ کے لئے پاکستان کی مخلصانہ کوششوں کو سراہا۔ انہوں نے کہا کہ وزیراعظم نواز شریف کا موقف بہت واضح ہے اور ان کی پالیسی اور وژن قابل ستائش ہے۔ تاجک وفد میں ارکان مجلس عزیز محمد خول محمد زادہ، جمشید مرتضیٰ ذکیوف، مسز نصیبہ صدیقہ مرزا انور احمدوف اور پاکستان میں تاجکستان کے سفیر شیرالی ایس جونو نوف شامل تھے۔ اس موقع پر اسپیکر قومی اسمبلی سردار ایاز صادق، وزیراعظم کے معاون خصوصی طارق فاطمی اور رکن قومی اسمبلی محمد طلال چوہدری بھی موجود تھے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.