خواتین کو اب ملازمت کی جگہوں پر ہراساں نہیں کیا جا سکے گا،سید عبد اللہ شاہ
جمعرات 17 مارچ 2016 15:15
کراچی ۔ 17 مارچ (اُردو پوائنٹ اخبارتازہ ترین - اے پی پی۔17 مارچ۔2016ء) خواتین کو اب ملازمت کی جگہوں پر ہراساں نہیں کیا جا سکے گا، کسی بھی ادارے میں خواتین کو تحفظ فراہم کرنے کے لئے سینٹ میں قانون پاس ہو چکا ہے جس کے تحت متاثرہ خواتین اپنی شکایت صوبائی محتسب کے پاس درج کراکے انصاف حاصل کر سکیں گی۔ یہ بات صوبائی محتسب سندھ کے ڈائریکٹر ایڈمن سید عبد اللہ شاہ نے رانا لیا قت علی خان گورنمنٹ ہوم اکنامکس کالج کراچی میں خواتین کی آگاہی کے لئے چلائی گئی مہم کے حوالے سے سیمینار سے خطاب کرتے ہوئے کہی۔
انہوں نے کہا کہ خواتین کو ہراساں کرنے کے جرم میں ملوث شخص پر جرم ثابت ہونے پر اسے سخت ترین سزا دی جا سکتی ہے جس میں اس کے عہد ے سے تنزلی،جبری ریٹائرمنٹ،ملازمت سے برطرفی اور ملازمت سے بر خواستگی کے علاوہ جرمانہ بھی کیا جا سکتا ہے۔(جاری ہے)
سید عبد اللہ شاہ نے کہا کہ اگر کوئی خاتون دوران ملازمت اپنے ادارے میں کسی بھی شخص کی جانب سے جنسی طور پر ہراساں کی جا رہی ہو تو اسی ادارے میں قائم انکوائری کمیٹی تحقیقات کرے گی اورقانون کے مطابق اگرواقعی خاتون کو جنسی طور پر ہراساں کیا گیا ہو یا کیا جا رہاہو تو اس خاتون کو مکمل قانونی تحفظ فراہم کیا جائے گااورمتعلقہ شخص کے خلاف سخت کارروائی عمل میں لائی جائے گی سیمینار سے فلائٹ لیفٹنٹ مسرت شاہ نے خطاب کرتے ہوئے کہا کہ ہراسمنٹ کے قانون کے تحت پاکستان بھر میں ملازمت پیشہ خواتین کو عزت کے ساتھ روزگار حاصل کرنے میں مدد فراہم کرنا ہے ۔
سیمینار سے رانا لیا قت علی خان گورنمنٹ ہوم اکنامکس کالج کراچی کی پرنسپل پروفیسر مسز شبانہ پرویز نے خطاب کرتے ہوئے کہا کہ عورت معاشرے کی معمار ہے اس کی عزت سب پر لازم ہے اور کسی بھی خاتون کو کوئی بھی شخص کسی بھی طرح سے جنسی طورپر ہراساں کرے گا تو وہ سخت ترین سزا پائے گا انہوں نے کہا کہ کوئی بھی خاتون اب مکمل تحفظ اوربغیر ہراساں ہوئے اعتماد کے ساتھ ملازمت کر سکتی ہے آخر میں ڈسٹرکٹ ایسٹ کمپلنٹ سیل کے انچارج آصف شیخ نے خطاب کرتے ہوئے کہا کہ سندھ کے 29اضلاع میں 25کمپلنٹ سینٹر کام کر رہے ہیں ڈسٹرکٹ ایسٹ میں کمپلنٹ سینٹر ڈپٹی کمشنر آفس بلمقابل مشرق سینٹرمیں قائم ہے جہاں سادے کاغذپر شکایت کنندہ خاتون درخواست جمع کر اسکتی ہے اورای میل یا فیکس کے ذریعے بھی درخواست دے سکتی ہے۔مزید قومی خبریں
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
-
خواجہ سلمان رفیق کا عزیز بھٹی شہید ہسپتال گجرات میں چھت گرنے کے واقعہ کا نوٹس،رپورٹ طلب
-
وزیراعلی ٰ پنجاب کا گجرات میں عزیز بھٹی شہید ٹیچنگ ہسپتال میں چھت گرنے کے واقعہ کا نوٹس
-
میں نے خود بانی پی ٹی آئی کو کہتے سنا ہے کہ اپوزیشن کو پھانسی لگا دیتے ہیں، ندیم افضل چن
-
وزیراعلیٰ مریم نوازشریف کا گجرات میں عزیزبھٹی شہید ٹیچنگ ہسپتال میں چھت گرنے کے واقعہ کا نوٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.