وزیر اعظم نواز شریف کی زیر صدارت اعلی سطح کا اجلاس،ملک کی اندرونی و بیرونی سلامتی سے متعلق امور پر تبادلہ خیال،ملک سے انتہا پسندی اور دہشتگردی کو جڑ اکھاڑپھینکا جائیگا ۔عسکری و سیاسی قیادت کا مصمم عزم۔۔ وزیر اعظم سے ارکان پارلیمنٹ کی ملاقات ،کاشتکاروں کے خدشات دور کرنے میں دلچسپی لینے پر وزیراعظم کا شکریہ ادا کیا۔
سمیرا فقیرحسین جمعہ 18 مارچ 2016 12:31
اسلام آباد(اُردو پوائنٹ تازہ ترین اخبار۔18مارچ 2016ء) : وزیر اعظم نواز شریف کی زیر صدارت امن و امان کی صورتحال پرآج وزیراعظم ہاؤس میں اعلیٰ سطحی اجلاس ہوا۔ جس میں عسکری و سیاسی قیادت نے ملک سے انتہا پسندی اور دہشتگردی کو جڑ سے اکھاڑپھینکنے کے عزم کا اظہار کیا ۔اجلاس میں چیف آف آرمی اسٹاف جنرل راحیل شریف، وزیر داخلہ چوہدری نثار علی خان، وزیر خزانہ محمد اسحاق ڈار، وزیراعظم کے معاون خصوصی طارق فاطمی، ڈی جی آئی ایس آئی لیفٹیننٹ جنرل رضوان اختر اور سینئر سرکاری حکام نے شرکت کی۔
ا جلاس میں جاری عسکری آپریشن میں پیشرفت کا جائزہ لیا گیا ۔اجلاس میں آپریشن ضرب عضب پراطمینان کا اظہار کرتے ہوئے کہا گیا کہ آپریشن سے نمایاں ثمرات حاصل ہوئے ہیں۔ اجلاس کے شرکاء نے پشاور میں دھماکہ کی پرزور مذمت کی جس میں سرکاری اہلکاروں کو شہید کیا گیا ۔(جاری ہے)
دریں اثناں وزیر اعظم محمد نواز شریف سے ارکان اسمبلی رضا حیات ہراج، چوہدری نذیر احمد اور عبدالرحمان خان کانجونے ملاقات کی۔
جس میں ارکان اسمبلی نے اس اعتماد کا اظہار کیا کہ وزیراعظم کی قیادت میں بنیادی ڈھانچے کی ترقی، اقتصادی استحکام اور توانائی میں خودکفالت کے ساتھ ساتھ سماجی شعبہ کی اصلاحات کے مستقبل قریب میں مثبت اثرات برآمد ہوں گے۔ انہوں نے کہا کہ موجودہ حکومت کی کامیاب سماجی و اقتصادی پالیسیوں پر بین الاقوامی سیاسی رہنماؤں اور مالیاتی و کاروباری برادری کے اعتماد کی بحالی عوام کو بااختیار بنانے کی مظہر ہے۔ارکان پارلیمنٹ نے ان کے متعلقہ حلقوں میں بنیادی ڈھانچے کی ترقی اور کاشتکاروں کے خدشات دور کرنے میں دلچسپی لینے پر وزیراعظم کا شکریہ ادا کیا۔ انہوں نے ملک کو ترقی یافتہ، ترقی پسند اور جدید ریاست میں بدلنے کے لئے وزیراعظم کے وژن کو سراہا ۔ ارکان قومی اسمبلی نے مجموعی سلامتی کی صورتحال میں بہتری کا ذکر کرتے ہوئے کہا کہ مادر وطن سے انتہاء پسندی اور دہشت گردی کو جڑ سے اکھاڑ پھینکنے کے لئے وزیراعظم کی قیادت میں قوم متحد ہے۔ انہوں نے وزیراعظم کو اپنے حلقوں میں مجوزہ ترقیاتی اور فلاحی اقدامات کے بارے میں آگاہ کیا۔ وزیراعظم نے ارکان قومی اسمبلی کو عوام کا معیار زندگی بلند کرنے کے مقصد کے حامل تمام منصوبوں اور اسکیموں پر عمل درآمد میں اپنی بھرپور حمایت کی یقین دہانی کرائی۔وزیر اعظم نے ارکان پارلیمنٹ کوہدایت کی ہے کہ وہ عوام کی خدمت میں کوئی کسر اٹھا نہ رکھیں۔متعلقہ عنوان :
مزید اہم خبریں
-
شعبہ صحت میں 145 ارب روپے کی لاگت سے 7 میگا پراجیکٹ زیر تکمیل ہیں: مریم اورنگزیب
-
سیکرٹری داخلہ نے اسلام آباد ہائیکورٹ کے حکم کے مطابق عملدرآمد نہیں کیا،اہلیہ پرویز الہی
-
صدرمملکت آصف علی زرداری کوئٹہ کا 3 روزہ دورہ مکمل کرکے اسلام آباد واپس روانہ ہو گئے
-
وزیراعلٰی کا مری ہسپتال پراجیکٹ کو سابق دور میں 4 ارب روپے نقصان پہنچانے پر کارروائی کا فیصلہ
-
کمپٹیشن کمیشن آف پاکستان نے پی ٹی سی ایل کی جانب سے ٹیلی نار پاکستان کے حصول کے جائزے کے دوسرے مرحلے کا آغاز کر دیا
-
موبائل کمپنیاں پانچ لاکھ سمیں بلاک کرنے پر آمادہ، مہلت مانگ لی
-
رفح پر اسرائیلی حملوں کے خوف سے لوگ ’علاج معالجہ سے گریزاں‘
-
جس نے ہمیں انتشاری ٹولہ کہا ہم ان سے کہتے آپ معافی مانگیں
-
آئی ایم ایف نے تنخواہ دار طبقے پر35 فیصد ٹیکس کی تجویزدیدی
-
پاکستان کا پہلا قمری مشن ،آئی کیوب قمر کامیابی سے چاند کے مدار میں پہنچ گیا
-
پاکستان میں حالیہ حملوں میں افغانوں کے ملوث ہونے کے دعوے غیر ذمہ دارانہ ہیں، طالبان
-
9 مئی کے حملے ریاستی رٹ ، قانون کی حکمرانی اور ادارے کو کمزور کرنے کی کوشش تھے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.