حکومت کا پرویز مشرف کو باہر جانے دینے کا فیصلہ دانشمندانہ ہے ،اب ڈیلی ویجز پر سیاست ہو رہی ہے ‘ شیخ رشید
جمعہ 18 مارچ 2016 13:04
لاہور( اُردو پوائنٹ اخبارتازہ ترین - این این آئی۔18 مارچ۔2016ء) عوامی مسلم لیگ کے سربراہ شیخ رشید احمد نے کہا ہے کہ حکومت کا پرویز مشرف کو باہر جانے دینے کا فیصلہ دانشمندانہ ہے ،بلاول کو بیان دینے سے پہلے سوچنا چاہیے کہ ان کی حکومت میں پرویز مشرف کو گارڈ آف آنر ملا ،پاکستان میں لوگ اب ڈیلی ویجز پر سیاست کر رہے ہیں،بڑی عید سے پہلے قربانی کی بات کی تھی لیکن جب قصائی ہی بھاگ جائیں تو میں کیا کروں ،میرے لئے پاکستان اور بھارت کے درمیان مقابلہ ہی فائنل میچ ہے اور اپنی ٹیم کو سپورٹ کرنے بھارت جارہا ہوں ۔
ان خیالات کا اظہار انہوں نے ائیر پورٹ پر میڈیا سے گفتگو کرتے ہوئے کیا ۔ شیخ رشید احمد نے کہا کہ حکمران بڑھکیں مارتے رہے لیکن پرویز مشرف باہر روانہ ہو گئے ۔(جاری ہے)
میں یہ کہوں گا کہ حکومت کا پرویز مشرف کو باہر جانے دینے کا فیصلہ دانشمندانہ ہے ۔انہوں نے کہا کہ یہاں ڈیلی ویجز پر سیاست کی جارہی ہے۔ بلاول بھٹو مشرف کی بیرون ملک روانگی بارے بیان دینے سے پہلے سوچیں ان کی حکومت میں پرویز مشرف کو گارڈ آف آنر دے کر رخصت کیا گیا ۔
انہوں نے آصف علی زرداری کی واپسی کے سوال کے جواب میں کہا کہ وہ اپنی پارٹی کی ایک شخصیت کے ذریعے معافی تلافی کیلئے کوشاں ہیں ۔ لیکن انہیں پیغام دیا گیا ہے کہ جس طرح پبلک میں اینٹ سے اینٹ بجانے کی بات کی تھی اسی طرح معافی بھی مانگیں ۔ آصف زرداری اپنے بیان پر معافی مانگیں تو ملک میں واپس آ سکتے ہیں۔ انہوں نے ایم کیو ایم میں توڑ پھوڑ کے حوالے سے سوال کے جواب میں کہا کہ ہر جماعت میں مصطفی کمال پیدا ہو سکتا ہے ۔ انہوں نے کہا کہ اگر اس ملک میں فوج نہ ہو تو دہشتگرد لوگوں کو گھروں سے اٹھا کر لیجائیں ،ہماری افواج نے ملک میں امن و امان کے قیام کے لئے بڑی قربانیاں دی ہیں۔ انہوں نے ایک اور سوال کے جواب میں کہا کہ ڈاکٹر طاہر القادری اورعمران خان سے اپوزیشن سے رابطے میں رہتا ہوں ۔ انہوں نے بڑی عید سے پہلے قربانی کی پیشگوئی غلط ثابت ہونے کے سوال کے جواب میں کہا کہ نواز شریف اپنے پاؤں پرکلہاڑی مارنے کے ماہر ہیں۔ میں نے ضرور بات کہی تھی مگر قصائی ہی بھاگ جائیں تو میں کیا کروں ۔ انہوں نے کہا کہ پاکستان کی دولت اور غریبوں کے ٹیکسوں کو تباہ و برباد کیا جارہا ہے ۔ چین سے اربوں روپے مالیت کے ناکارہ انجن منگوائے گئے ۔ انہوں نے نیب کے حوالے سے کارروائی کے سوال کے جواب میں کہا کہ حکمران اس ادارے کو دباؤ میں لارہے ہیں۔ نیب پنجاب میں 28لوگوں کو گرفتار کرنا چاہتا ہے لیکن اس کی راہ میں رکاوٹیں ڈالی جارہی ہیں ۔ انہوں نے پاک بھارت کرکٹ میچ کے حوالے سے سوال کے جواب میں کہا کہ اپنی ٹیم کو سپورٹ کرنے بھارت جارہا ہوں ۔ قومی ٹیم جیتے یا ہارے پوری قوم اس کے ساتھ کھڑی ہے او ر سب کی دعائیں ٹیم کے ساتھ ہیں۔ میرے لئے کل پاک بھارت میچ ہی فائنل کی حیثیت رکھتا ہے اور میں اتوار کو وطن واپس آ جاؤں گا۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.