داعش کا زورٹونٹے لگا‘ 18ماہ میں زیر قبضہ علاقوں میں سے 22 فیصد سے ہاتھ دھونا پڑا:بین القوامی ادارے کی رپورٹ
میاں محمد ندیم جمعہ 18 مارچ 2016 13:36
واشنگٹن(ا ردو پوائنٹ اخبارتازہ ترین-انٹرنیشنل پریس ایجنسی۔18مارچ۔2016ء) عراق اور شام میں شدت پسند گروپ داعش پر بڑھتے ہوئے عسکری دباو¿ کے باعث گزشتہ ڈیڑھ سال میں اسے اپنے زیر قبضہ علاقوں میں سے 22 فیصد سے ہاتھ دھونا پڑا ہے جس میں سے نصف نقصان اسے رواں سال کے بعد اٹھانا پڑا۔یہ بات ایک بین الاقوامی نگران گروپ "آئی ایچ ایس" کے تجزیے میں بتائی گئی ہے اور اس کے مطابق شدت پسند تیزی سے الگ تھگ ہو رہے ہیں اور انھیں پسپا ہوتے تصور کیا جا رہا ہے۔
آئی ایچ ایس نے خاص طور پر شمالی شام اور ترکی کی سرحد کے درمیان واقع علاقوں کا تذکرہ کیا جہاں امریکی زیر قیادت اتحاد اور روس کی فضائی کارروائیوں کے ساتھ ساتھ کرد اور سنی جنگجووں کی زمینی کارروائیوں کی بدولت شدت پسندوں کی سرحد کے آر پار نقل و حرکت مسدود ہوئی۔(جاری ہے)
داعش کے زیر تسلط شام کا ایک محدود علاقہ رہ گیا ہے جہاں وہ ترکی سے غیر قانونی طور پر اپنے جنگجو اور رسد لا سکتا ہے۔
روس کی طرف سے فضائی کارروائیاں متنازع رہی ہیں کیونکہ مغرب یہ الزام عائد کرتا رہا کہ ماسکو داعش سے زیادہ اپنے اتحادی شام کے صدر بشار الاسد کے باغیوں کو نشانہ بنا رہا ہے۔لیکن گزشتہ سال 30 ستمبر کو شروع ہونے والی روسی فضائی کارروائیوں کا مجموعی طور پر داعش کے خلاف مہم پر قابل ذکر اثر مرتب ہوا۔پینٹاگان کی فراہم کردہ معلومات سے کیے گئے تجزیے سے پتا چلتا ہے کہ یکم جنوری 2015ءسے روس کی فضائی مہم شروع ہونے تک امریکی اتحاد کے لڑاکا طیارے عراق و شام میں اوسطاً روزانہ 20 حملے کرتے رہے۔روسی کارروائیاں شروع ہونے کے بعد ان حملوں کی تعداد بڑھ کر 23 تک پہنچ گئی۔شام کے شمالی حصے میں ہونے والی کارروائیوں کے علاوہ عراق میں حکومتی فورسز نے بھی داعش کے خلاف قابل ذکر کامیابی حاصل کی۔ ان میں فوج کے ساتھ ساتھ سنی اور شیعہ ملیشیا بھی شامل رہی جنہوں نے رمادی کا قبضہ شدت پسندوں سے چھڑایا۔بین الاقوامی برادری داعش کے خلاف جنگ میں اتحاد پر زور دیتے ہوئے یہ کہتی آئی ہے کہ شام کی حکومت اور اس کے حزب مخالف کے مابین بات چیت شروع کی جائے۔داعش نے 2014ء کے وسط میں عراق اور شام کے ایک وسیع رقبے پر قبضہ کر کے وہاں نام نہاد خلافت کا اعلان کیا اور قتل و غارت گری کا بازار گرم کیا تھا۔متعلقہ عنوان :
مزید اہم خبریں
-
امریکہ نے پاکستان کے بیلسٹک میزائل پروگرام میں معاونت کے الزام میں چار بین الاقوامی کمپنیوں پر پابندیوں کا اعلان کردیا
-
پاکستان نے آئی ایم ایف سے اگلے بیل آﺅٹ پیکج کیلئے باضابطہ درخواست کر دی
-
آئی ایم ایف بورڈ کا 29 اپریل تک کا شیڈول جاری، پاکستان ایجنڈے میں شامل نہیں
-
21 اپریل کو آنے والا رزلٹ عمران خان اور شاہ محمودقریشی کی رہائی کا آرڈر ہو گا،زین قریشی
-
فواد چوہدری کو مزید 4 مقدمات میں ریلیف مل گیا
-
ضمنی الیکشن کے دوران موبائل اور انٹرنیٹ سروس بند رہنے کا امکان
-
وزیرخزانہ کی ورلڈ بینک کے علاقائی نائب صدر برائے جنوبی ایشیا مسٹر مارٹن رائزر سے ملاقات
-
ضمنی الیکشن کے دوران دفعہ 144 کا نفاذ عدالت میں چیلنج
-
نارووال میں نوجوان کی ہلاکت پر پنجاب حکومت نے وضاحتی بیان جاری کر دیا
-
ضمنی انتخابات، پنجاب میں پولنگ کے سامان کی ترسیل کی کوریج پر پابندی عائد
-
عمران خان نے پیغام دیا ہے21اپریل کو ووٹ کی حفاظت کریں،علیمہ خان
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.