بھارتیہ جنتا پارٹی کے راہنماءنے ”بھارت ماتا کی جئے“کا نعرہ نہ لگانے سے انکار پر اسدالدین اویسی کی زبان کاٹنے والے کے لیے ایک کروڑ روپے انعام کا اعلان کر دیا
میاں محمد ندیم جمعہ 18 مارچ 2016 13:46
لکھنو (ا ردو پوائنٹ اخبارتازہ ترین-انٹرنیشنل پریس ایجنسی۔18مارچ۔2016ء) ہندوستان میں مسلمانوں کی بڑی جماعت کل ہند مجلس اتحاد المسلمین کے سربراہ اسد الدین اویسی کے 'بھارت ماتا کی جئے' کا نعرہ نہ لگانے کے بیان پر حکمران جماعت بھارتیہ جنتا پارٹی (بی جے پی) کے رہنماءنے ان کی زبان کاٹنے والے کے لیے ایک کروڑ روپے انعام کا اعلان کر دیا۔ہندوستانی ریاست اتر پردیش میں بی جے پی کے رہنما شیام پرکاش دیویدی نے اعلان کیا کہ جو بھی اسد الدین اویسی کی زبان کاٹے گا اس کو ایک کروڑ روپے انعام دیا جائے گا۔
رپورٹ کے مطابق شایام پرکاش دیویدی نے انہیں غدار قرار دیتے ہوئے یہ تک کہہ دیا کہ اسد الدین اویسی کو ہندوستان میں رہنے کا کوئی حق نہیں ہے۔واضح رہے کہ مہارشٹرا میں 4 روز قبل ایک جلسے سے خطاب میں اسد الدین اویسی نے کہا تھا کہ اگر میرے گلے پر چھری بھی رکھ دیں تب بھی میں 'بھارت ماتا کی جئے' کا نعرہ نہیں لگاوں گا۔(جاری ہے)
بعد ازاں انہوں نے اپنے بیان کی وضاحت بھی کر دی تھی کہ 'جئے ہند' کا نعرہ لگانے میں کوئی حرج نہیں ہے۔
ہندوستانی اخبار انڈین ایکسپریس نے رپورٹ کیا کہ اتر پردیش کی بی جے پی نے شیام پرکاش دیویدی کو اعلان کے فوری بعد پارٹی کے عہدے سے فارغ کر دیا جبکہ 15 دن کا اظہار وجوہ کا نوٹس جاری کرتے ہوئے پارٹی رکنیت بھی معطل کر دی۔ہندوستان کے نشریاتی ادارے زی نیوز کے مطابق ہندو انتہا پسند جماعت راشٹریہ سوامی سیوک سنگھ (آر ایس ایس) کے سربراہ موہن مادھوکر بھگوت نے مطالبہ کیا کہ اسد الدین اویسی کی ہندوستانی شہریت ختم کی جائے۔موہن مادھوکر بھگوت کا کہنا تھا کہ اسد الدین اویسی کو اپنے اس بیان کے بعد پاکستان چلے جانا چاہیے۔ان کا کہنا تھا کہ جو بھی بھارت ماتا کی جئے کا نعرہ نہ لگائے ان کی ہندوستانی شہریت اور ووٹ کا حق ختم کر دینا چاہیے۔دوسری جانب دکن کرونیکل کی رپورٹ کے مطابق مہاراشٹرا کی حکومت نے لکھنو میں کل ہند مجلس اتحاد المسلمین کے جلسے کی اجازت دینے سے انکار کر دیا، خیال رہے کہ ہندوستان کا دنیا کی سب سے بڑی جمہوریت ہونے کا دعویٰ ہے، ایک سال میں اب تک 6 بار ریاستی حکومت اسد الدین اویسی کو جلسوں کی اجازت دینے سے انکار کر چکی ہے۔مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.