کراچی، شہید بے نظیر بھٹوکا ویژن اور شہید ذوالفقار علی بھٹو کے افکارہمارے مشعل راہ ہیں، سید سہیل عابدی

جمعہ 18 مارچ 2016 17:07

کراچی (اُردو پوائنٹ اخبارتازہ ترین - آئی این پی۔18 مارچ۔2016ء) NA,245کے لئے پاکستان پیپلزپارٹی کی جانب سے شاہد حسین کا انتخاب لائق تحسین ہے، وہ یقینا قیادت کی توقعات پر پورے اتریں گے۔ یہ بات پاکستان پیپلزپارٹی کے سینئر رہنماسید سہیل عابدی،جنرل سیکریٹری ضلع وسطی امتیازخان، حمید میمن، ریحان شہنشاہ، شیر افضل تنولی، اسلم سومرو، سید زین آغا، اشفاق قادری، نثارعزیزآبادی، سہیل سمیع دہلوی، رفاقت حسین، عظیم خان، مسعودعباسی، عرس باران،اسحاق برف والا، عثمان رندبلوچ، محمدنواز، سلطان ساگراور دیگر نے اپنے مشترکہ بیان میں کہی۔

انہوں نے کہاکہ NA,245کے سلسلے میں ہم پارٹی فیصلے پر شاہد حسین کو مبارکبادپیش کرتے ہیں اور اپنے بھرپورتعاون کی یقین دہانی کراتے ہیں۔اس موقع پر کارکنان سے بات چیت کرتے ہوئے کہاکہ سید سہیل عابدی نے کہاکہ شاہد حسین کا انتخاب پارٹی کا فیصلہ ہے، تمام کارکنان بھرپور قوت کے ساتھ ان کی کامیابی کے لئے انتخابی مہم میں کام کریں۔

(جاری ہے)

انہوں نے چیئرمین بلاول بھٹوکے فیصلے کی تائید اور تحسین کرتے ہوئے کہاکہ قیادت کی جانب سے گھربیٹھے لوگوں کو عہدے نہ دینے کا فیصلہ اس بات کا ثبوت ہے کہ قیادت پارٹی کو مزید فعال اور منظم کرناچاہتی ہے، کارکنان بھی ان کے اعتماد پر پورااترنے کی کوشش کریں، ہماراعزم ہے کہ پاکستان پیپلزپارٹی کو پھر سے اسی وقار کے ساتھ منظم اور متحرک کریں گے جو شہیدرانی بے نظیر بھٹو اور ان سے قبل قائدجمہوریت شہید ذوالفقار علی بھٹوکے دورمیں اس کا خاصہ رہاہے۔

انہوں نے کہاکہ قیادت کی جانب سے ہونے والے جرأتمندانہ فیصلوں پر انہیں خراج تحسین پیش کرتے ہیں ،شہید بے نظیر بھٹوکا ویژن اور شہید ذوالفقار علی بھٹو کے افکارہمارے مشعل راہ ہیں،کسی اور فکر کی ہمیں ضرورت نہیں ۔