پارلیمانی سیکرٹری صنعت و پیداوار نے یوٹیلٹی سٹورز پر غیر معیاری اشیاء کی دستیابی کے حوالے سے بیانات کو مسترد کر دیا
یوٹیلٹی سٹورز پر کہیں اشیاء کا معیار ٹھیک نہیں تو ارکان نشاندہی کریں تحقیقات کریں گے ٗراؤ اجمل
جمعہ 18 مارچ 2016 18:02
اسلام آباد (اُردو پوائنٹ اخبارتازہ ترین - این این آئی۔18 مارچ۔2016ء) پارلیمانی سیکرٹری صنعت و پیداوار راؤ اجمل نے یوٹیلٹی سٹورز پر غیر معیاری اشیاء کی دستیابی کے حوالے سے بیان کو مسترد کرتے ہوئے کہا ہے کہ یوٹیلٹی سٹورز پر کہیں اشیاء کا معیار ٹھیک نہیں تو ارکان نشاندہی کریں تحقیقات کریں گے۔جمعہ کو قومی اسمبلی میں عبدالستار باچانی کے یوٹیلٹی سٹورز میں اشیاء ضروریہ پر سبسڈی نہ دینے سے متعلق توجہ مبذول نوٹس کا جواب دیتے ہوئے پارلیمانی سیکرٹری صنعت و پیداوار راؤ اجمل نے کہا کہ 2007ء میں دور افتادہ علاقوں میں پانچ ہزار یوٹیلٹی سٹورز کھولے گئے ٗ1984ء سے یہ ادارہ جنوبی ایشیا کا سب سے بڑا ادارہ ہے۔
اس کے 14 ہزار ملازمین ہیں۔ اور یہ سب سے زیادہ ٹیکس دینے والا ادارہ ہے۔(جاری ہے)
2014ء سے پہلے بہت سی اشیاء پر سبسڈی دی جاتی تھی۔ اب چینی پر سے بھی سبسڈی ختم کردی گئی ہے ٗاس توجہ مبذول نوٹس کو قائمہ کمیٹی کے سپرد کیا جائے۔ انہوں نے کہا کہ سبسڈی دی جانی چاہیے۔ توجہ مبذول نوٹس پر عبدالستار باچانی اور شگفتہ جمانی کے سوالات کے جواب میں پارلیمانی سیکرٹری راؤ محمد اجمل خان نے کہا کہ ہم نے حکومت کو تجویز دی ہے کہ یوٹیلٹی سٹورز پر سبسڈی دی جائے تاہم انہوں نے کہا کہ مارکیٹ کے مقابلے میں یوٹیلٹی سٹورز پر اشیاء کی قیمتیں اب بھی کم ہیں۔
ایک اور سوال کے جواب میں پارلیمانی سیکرٹری نے کہا کہ ہمیں اس بات سے اتفاق ہے کہ یوٹیلٹی سٹورز کو مزید موثر ادارہ ہونا چاہیے۔ انہوں نے کہا کہ وہ اس بات سے اتفاق نہیں کرتے کہ یوٹیلٹی سٹورز پر غیر معیاری اشیاء دستیاب ہوتی ہیں۔ انہوں نے کہا کہ چینی‘ آٹا اور خوردنی تیل پر سبسڈی دینی چاہیے۔ یوٹیلٹی سٹورز پر اگر کہیں اشیاء کا معیار ٹھیک نہیں ہے تو فاضل ارکان نشاندہی کریں ہم تحقیقات کریں گے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.