محکمہ بلدیات کے زیراہتمام 46نئے میونسپل افسران کی تربیت مکمل
جمعہ 18 مارچ 2016 22:24
پشاور۔18 مارچ ( اُردو پوائنٹ اخبارتازہ ترین - اے پی پی۔18 مارچ۔2016ء) محکمہ بلدیات و دیہی ترقی خیبر پختونخوا کے زیراہتمام نئے بھرتی شدہ 46افسران کی دو مہینوں پر محیط تربیت مکمل ہو گئی ہے ان میں 35افسران انجینئرنگ، 8اکاؤنٹس اور تین انتظامی شعبے سے متعلق تھے اس سلسلے میں لوکل گورننس سکول حیات آباد میں فارغ التحصیل میونسپل افسران کی اختتامی تقریب ہوئی جسکی صدارت سیکرٹری لوکل کونسل بورڈ خیبرپختونخوا سید ظفر علی شاہ نے کی جبکہ سیکرٹری بلدیات سید جمال الدین شاہ نے بحیثیت مہمان خصوصی شرکت کی جمال الدین شاہ نے لوکل گورننس سکول کے منتظمین، بلدیاتی نمائندوں اور فارغ التحصیل میونسپل ملازمین پر زور دیا کہ وہ تربیت اور نظم وضبط کا اعلیٰ معیار پروان چڑھائیں تاکہ عوام کو ترقیافتہ ممالک کی طرز پر جدید شہری سہولیات مہیا ہوں اور انہیں بازاروں، گلی کوچوں، قصبوں و دیہات کی سطح پر آلودگی سے پاک صحت افزاء ماحول ملے انہوں نے کہا کہ سرکاری ملازمین اپنا کام بروقت اور تندہی سے کریں تو ہر جگہ انکی قدر و منزلت ہو گی جبکہ آئندہ عوامی اطمینان کی شرط پر انکی جزا و سزا کے فیصلے ہونگے انہوں نے صوبے کی تاریخ میں پہلی بار میونسپل ملازمین کی تمام شعبوں میں پری سروس اعلیٰ تعلیم و تربیت پر سیکرٹری لوکل کونسل بورڈ سید ظفر علی شاہ اور انکی ٹیم کی کارکردگی کو سراہا اور امید ظاہر کی کہ ترقی کا یہ سفر کامیابی سے جاری رہے گا سید ظفر علی شاہ نے یقین دلایا کہ تمام میونسپل افسران اور ملازمین کی دوران ملازمت اور ماقبل تمام شعبوں میں تربیت مکمل کرکے شہری خدمات کا تابع بنایا جائے گا انہوں نے بتایا کہ اگلے ماہ اپریل میں اتنے مزید افسران کا تربیتی کورس شروع ہوگا اور اسطرح آئندہ ایک سال کے دوران تمام میونسپل ملازمین کی دوران ملازمت تربیت مکمل کرکے میونسپل خدمات کو ترقیافتہ ممالک کی سطح پر لایا جائے گاانہوں نے اس بات کو خوش آئند قرار دیا کہ موجودہ صوبائی حکومت نے ادارہ جاتی استحکام کیلئے سٹیٹس کو کا فرسودہ نظام مکمل طور پر ختم کر دیا ہے اب صوبے کے تمام حکومتی شعبوں میں میرٹ اور شفافیت کا بول بالا ہو ہے اور کرپشن کی ہر سطح پر حوصلہ شکنی ہو رہی ہے اسلئے سرکاری افسران و اہلکاروں کا بھی فرض ہے کہ وہ عوامی خدمت کو شعار بنانے اور درپیش چیلنجوں سے نمٹنے کیلئے شبانہ روز اور بھرپور انداز میں کام کریں۔
مزید اہم خبریں
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.