مشرف واپس نہ آئے تو ذمہ دار نوازشریف حکومت ہو گی۔پرویز مشرف کو بیرون ملک جانے کی اجازت دینا سپریم کورٹ کا نہیں بلکہ حکومت کا فیصلہ تھا۔خورشیدشاہ
میاں محمد ندیم ہفتہ 19 مارچ 2016 12:00
سکھر(ا ردو پوائنٹ اخبارتازہ ترین-انٹرنیشنل پریس ایجنسی۔19مارچ۔2016ء) قائد حزب اختلاف سید خورشید احمد شاہ نے کہا ہے کہ اگر مشرف واپس نہ آئے تو اس کی ذمے داری موجودہ حکومت پر آئے گی۔سکھر میں میڈیا سے گفتگو کرتے ہوئے خورشید شاہ کا کہنا تھا کہ مشرف کے باہر جانے پر پیپلزپارٹی کو کوئی اعتراض نہیں لیکن اعتراض صرف یہ کہ مشرف پر آرٹیکل 6 کے ساتھ بے نظیر بھٹو شہید کے قتل کا بھی الزام ہے،خواجہ سعد رفیق ٹھیک کہتے ہیں کہ مشرف گلے کا کانٹا بنے ہوئے تھے کیونکہ حکومت کے گلے میں اب تک کانٹوں کے نشان نظر آرہے ہیں۔
انہوں نے کہاکہ پی آئی اے نجکاری بل کے حوالے سے حکومت سے کوئی مک مکا نہیں ہوا،چاہتے ہیں کہ پی آئی اے کا مسئلہ ایسے حل ہو جس میں قومی ائیرلائن کو نقصان نہ ہو، دعا ہے میچ پاکستان جیتے،کرکٹ کو سیاست نہیں سمجھتے۔(جاری ہے)
سپریم کورٹ نے کہا تھا کہ پرویز مشرف کو باہر جانے کی اجازت دینے کا فیصلہ کرنا حکومت کا کام ہے، معاملے پر ڈیل ہوئی، خوفزدہ ہوئے یا پھر جان چھڑائی گئی، خدا کرے جمہوریت پر مک مکا نہ ہو۔
خورشید شاہ نے کہا کہ پرویز مشرف کو بیرون ملک جانے کی اجازت دینا سپریم کورٹ کا نہیں بلکہ حکومت کا فیصلہ تھا‘انہوں نے کہا کہ معاملے پر ڈیل ہوئی یا حکومت خوفزدہ ہوئی یا پھر اس نے جان چھڑائی ہے۔ خورشید شاہ نے پرویز مشرف پر طنز کرتے ہوئے کہا کہ عدالتی فیصلہ آتے ہی ہسپتال میں آکسیجن بھی اتر گئی۔اپوزیشن لیڈر نے مزید کہا کہ پرویز مشرف نے نواز شریف کی جمہوری حکومت ختم کی تھی، سابق صدر سمیت آئین توڑنے کے تمام ذمہ داروں پر آرٹیکل6 لگنا چاہئے۔نوازشریف نے اپنی تکلیفیں بھلا دیں تو ہمیں بھی کیا اعتراض، میاں بیوی راضی تو کیا کرے گا قاضی۔خورشید شاہ نے کہا کہ ای سی ایل سے مشرف کا نام نکلا تو انہوں نے فورا اپنی آکسیجن ہٹائی دو مکے دکھاکرباہر چلے گئے۔ مشرف جسطرح گئے ہیں واپس نہیں آئیں گے۔خورشید شاہ نے کہا کہ مشرف کیخلاف مقدمہ 12 اکتوبر کے اقدام پر بنتا ہے مگر حکومت نے 3 نومبر کی ایمرجنسی پر آرٹیکل6 کا مقدمہ دائر کیا، اب اگر حکوت راضی ہے تو ہمیں بھی کوئی اعتراض نہیں۔انہوں نے سعد رفیق کہ اس بیان پر کہ مشرف حکومت کے گلے کا کانٹا بنے ہوئے تھے، کہا کہ گلے کاکانٹا زخم چھوڑ گیا ہے،دیکھنا ہوگا کہ حکومت اب کونسی اینٹی بائیوٹک استعمال کرتی ہے۔خورشید شاہ نے کہا کہ پرویز مشرف تو بے نظیر بھٹو قتل کیس میں بھی نامزد ہیں حکومت انہیں اس کیس میں کیسے واپس لائی گی۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.