آرمی چیف جنرل راحیل شریف سے ایرانی صدر کی ملاقات‘پاک ایران تعلقات ، خطے کی سیکورٹی صورتحال اور بھارتی خفیہ ایجنسی "را" کی پاکستان بالخصوص بلوچستان میں مداخلت پر بات چیت کی گئی۔آئی ایس پی آر

سمیرا فقیرحسین ہفتہ 26 مارچ 2016 11:07

اسلام آباد (ا ردو پوائنٹ اخبارتازہ ترین-انٹرنیشنل پریس ایجنسی۔26مارچ۔2016ء) آرمی چیف جنرل راحیل شریف سے ایران کے صدر ڈاکٹر حسن روحانی نے ملاقات کی ہے ، پاک ایران تعلقات ، خطے کی سیکورٹی صورتحال اور بھارتی خفیہ ایجنسی "را" کی پاکستان بالخصوص بلوچستان میں مداخلت پر بھی بات چیت کی گئی۔پاک فوج کے شعبہ تعلقات عامہ کے مطابق آرمی چیف جنرل راحیل شریف سے ایران کے صدر حسن روحانی نے ملاقات کی ہے جس میں پاکستان اور ایران کے تعلقات ، خطے کی سیکورٹی کی صورتحال پر بات چیت کی گئی۔

(جاری ہے)

آرمی چیف جنرل راحیل شریف نے بھارتی خفیہ ایجنسی "را" کی پاکستان کے اندر خصوصی بلوچستان میں مداخلت کا معاملہ اٹھایا ، ڈاکٹر حسن روحانی نے اس حوالے سے ایران کے مکمل تعاون کی یقین دہانی کرائی ہے۔آئی ایس پی آر کے مطابق ملاقات میں دونوں ممالک کے درمیان بارڈر سیکورٹی مینجمنٹ کے معاملات بھی زیر بحث آئے ، ایرانی صدر ڈاکٹر حسن روحانی نے پاک فوج کی پیشہ وارانہ صلاحیتوں اور دہشتگردوں کیخلاف آپریشن ضرب عضب میں حاصل ہونے والی کامیابیوں کو سراہا۔ یاد رہے کہ ایرانی صدر ڈاکٹر حسن روحانی گذشتہ روز دو روزہ سرکاری دورے پر پاکستان پہنچے تھے۔

Facebook Twitter Google + Share on Whatsapp

متعلقہ عنوان :

مزید اہم خبریں