تحریک انصاف نے وزیراعظم کے جوڈیشل کمیشن کے قیام کے فیصلے کو مسترد کر دیا

محمد علی منگل 5 اپریل 2016 22:40

اسلام آباد( اردوپوائنٹ اخبارتازہ ترین۔05اپریل۔2016ء) تحریک انصاف نے وزیراعظم کے جوڈیشل کمیشن کے قیام کے فیصلے کو مسترد کر دیا ہے۔ تفصیلات کے مطابق پانامہ لیکس کے معاملے کے سامنے آنے کے بعد وزیراعظم نے الزامات کی تحقیقات کیلئے سپریم کورٹ کے سابق جج کی سربراہی میں عدالتی کمیشن قائم کرنے کا اعلان کیا ہے۔

(جاری ہے)

اس حوالے سے تحریک انصاف کی جانب سے ردعمل دیا گیا ہے۔ تحریک انصاف کے ترجمان نے وزیراعظم کے جوڈیشل کمیشن کے قیام کے فیصلے کو مسترد کر دیا ہے۔ ترجمان تحریک انصاف کا کہنا ہے کہ وزیر اعظم کی تقریر سیاسی اورداستان گوئی پر مشتمل تھی۔ وزیراعظم نےمنظر عام پر لائے گئے حقائق کا تسلی بخش جواب نہیں دیا۔ اور نہ ہی وزیراعظم نے یہ واضح کیا کہ کمیشن کتنا با اختیار ہو گا۔