وزیر اعظم نواز شریف کو یقین دلاتا ہوں کہ عوام کی ایک بڑی صف آپ کے پیچھے کھڑی ہے، وزیر اعظم نواز شریف نے اپوزیشن کی ہر بات مانی جس کے بعد اپوزیشن نے راہ فرار اختیار کیا۔ڈیرہ اسماعیل خان میں مولانا فضل الرحمان کا جلسے سے خطاب
سمیرا فقیرحسین منگل 17 مئی 2016 11:40
ڈیرہ اسماعیل خان (اُردو پوائنٹ تازہ ترین اخبار۔ 17مئی 2016ء) : ڈیرہ اسماعیل خان میں عوامی اجتماع کا اہتمام کیا گیا جہاں وزیر اعظم نواز شریف اور ان کے اتحادی جماعت جے یو آئی (ف) کے سربراہ مولانا فضل الرحمان پہنچے۔ وزیر اعظم نوا ز شریف نے ڈیرہ اسماعیل خان میں گیس کی فراہمی کے منصوبے کا سنگ بنیاد بھی رکھا جس کے بعد مولانا فضل الرحمان نے جلسہ گاہ کے شرکا سے خطاب کیا۔
عوامی اجتماع سے خطاب کرتے ہوئے مولانا فضل الرحما ن کا کہنا تھا کہ میں وزیر اعظم نواز شریف کو یقین دلاتا ہوں کہ عوام ان کے ساتھ ہے۔ انہوں نے کہا کہ وزیر اعظم نواز شریف کے پیچھے عوام کی ایک بڑی صف کھڑی ہے۔ ملک میں امن و استحکام اور جمہوریت کا تسلسل چاہتے ہیں۔ ہم جمہوری نظام کے خلاف کسی سازش کو کامیاب نہیں ہونے دیں گے۔(جاری ہے)
فضل الرحمان نے کہاکہ تمام مخالف سیاسی جماعتوں سے کہتا ہوں کہ تنقید کرنا آپ کا حق ہے لیکن حدود میں رہیں، ایسا اختلاف ہونا چاہئیے جس سے جمہوریت کو خطرہ نہ ہو۔
کہیں ایسا نہ ہو کہ کل کو ہم مل کر کہیں آﺅ عندلیب مل کر کریں آہ وزاریاں۔ انہوں نے کہا کہ پاکستان میں آنے والی آوازیں یہاں کی نہیں بلکہ باہر کی ہیں۔ ان کا کہنا تھا کہ پانامہ بھونچال پر سنجیدگی کے ساتھ وزیر اعظم نواز شریف نے کمیشن بنانے کا اعلان کیا لیکن اپوزیشن نے راہ فرار اختیار کی۔ انہوں نے کہا کہ عمران خان نے کمیشن کے اپنے ہی مطالبے سے بھاگ گئے۔ عمران خان کو کمیشن کے لیے سابق جج قبول نہیں لیکن بیوروکریٹ قبول ہے۔مولانا فضل الرحما ن نے ایک اپوزیشن جماعت کو نشانہ بناتے ہوئے کہا کہ آپ کے پاس1983میں اتنا پیسہ تھا کہ ٹیکس سے بچنے کے لیے آپ نے ملک سے باہر کمپنیاں بنائیں۔مولانا فضل الرحمان نے کہا کہ بلی تھیلے سے باہر آ گئی ہے وزیر اعظم نہیں بلکہ شورمچانے والا خود چور نکلا۔ انہوں نے کہا کہ کل جو جمہوریت کے لیے خطرہ تھے آج جمہوریت کے محافظ نہیں ہو سکتے، ایسا نہ ہو کہ جمہوریت کو نقصان پہنچنے پر پھر بعد میں پچھتانا پڑ جائے۔پیپلز پارٹی اور عوامی نیشنل پارٹی سمیت دیگر جماعتوں میں بلوغت آئی۔ ان کا کہنا تھا کہ عوام کی وقت جمہوریت کی روح ہے۔عوام وزیر اعظم نواز شریف کے خلاف کوئی ساز ش کامیاب نہیں ہونے دیں گے۔متعلقہ عنوان :
مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.