محکمہ ایکسائز کا لاہور ‘ فیصل آباد‘ راولپنڈی اور ملتان میں ایکسائز کے تھانے قائم کرنے کا فیصلہ
تھانوں کے قیام سے منشیات کے ملزموں کے خلاف قانونی کارروائی کا عمل بہتر ‘ ملزموں کو قرار واقعی سزا ملے گی 1500 سے 2000سی سی تک گاڑیوں کے ٹیکس میں2 سے 3فیصد اضافہ کی تجویز
بدھ 18 مئی 2016 22:45
لاہور۔18 مئی(اُردو پوائنٹ اخبارتازہ ترین - اے پی پی۔18 مئی۔2016ء ) صوبائی محکمہ ایکسائز اینڈ ٹیکسیشن کی آئندہ بجٹ 2016-17 میں کی جانے والی مجوزہ محکمانہ تنظیم نو اور صوبائی محصولات میں ردو بدل سمیت 4نئے تھانوں کے قیام کی تجاویز کی محکمہ خزانہ نے منظوری دے دی، سمری باقاعدہ منظوری کے لئے وزیر اعلی پنجاب محمد شہبازشریف کو بھیجی جا رہی ہے ،یہ بات صوبائی وزیر ایکسائز اینڈ ٹیکشن مجتبیٰ شجاع الرحمن نے ایک اجلاس صدارت کرتے ہوئے بتائی، اجلاس میں سیکرٹری ایکسائز اینڈ ٹیکسین ، ڈی جی ایکسائز اینڈ ٹیکسیشن کے علاوہ دیگر افسران بھی موجود تھے ، صوبائی وزیر نے اجلاس کو بتایا کہ محکمہ ایکسائز نے منشیات کے ملزموں کو کیفر کردار تک پہنچانے کے لئے 4مختلف ڈویثرنز بشمول لاہور ، فیصل آباد ، راولپنڈی اور ملتان میں ایکسائز کے تھانے قائم کرنے کا فیصلہ کیا ہے ان تھانوں کے قیام سے منشیات کے ملزموں کے خلاف قانونی کارروائی کا عمل بہتر ہو گا اور ملزموں کو قرار واقعی ہی سزا ملے گی ،صوبائی وزیر نے مزید بتایا کہ عوامی سہولت کے لئے گاڑیوں ،گھروں اور خالی پلاٹوں پر ٹیکس میں ردوبدل کیا جارہا ہے،یہ فیصلہ آئندہ مالی سے لاگو ہو گا جس سے عام آدمی کو فائدہ پہنچے گا اور اس کا معیار زندگی بلند ہو گا،انہوں نے کہا کہ مسلم لیگ(ن) کا عزم ہے کہ عام آدمی کو فائدہ پہنچایا جائے تاکہ ترقیاتی فنڈز کے استعمال سے لوگوں کو زیادہ سے زیادہ سہولتیں میسر ہوں اور تعلیم وصحت کی کی سہولیات ہر فرد کی دسترس میں ہو،اجلاس میں ٹیکسوں کے حوالے سے سالانہ میزانیہ پر غور و خوض ہوا، سیکرٹری ایکسائز اینڈ ٹیکشن نے اجلاس کو بتایا کہ موٹر وہیکل ٹیکس کی مد میں 1500سی سی سے 2000سی سی تک گاڑیوں کے ٹیکس میں2فیصد سے 3فیصد اضافہ کی تجویز ا ور اسی طرح موٹر سائیکل/سکوٹر کے لائف ٹائم ٹیکس 1200 سے بڑھا کر 1600 روپے اور موٹر کیب رکشا کے ٹوکن ٹیکس 400روپے سالانہ کی بجائے لائف ٹائم 3ہزار ٹیکس کی سالانہ منظوری دی گئی ، اجلاس کو بتایا گیاکہ پرو فیشنل ٹیکس کی مختلف کیٹگری کی مد میں ایک لاکھ سے بڑھا کر ایک لاکھ 50 ہزار کردی گئی اور کمپنی/فیکٹری جو 10سے 25ملازمین کی حامل ہیں میں 1500 روپے ٹیکس سے بڑھا کر 7500 روپے کرنے کی تجویزدی گئی ، پرائیویٹ انسٹی ٹیوشن چارجز فیس ایک ہزار سے بڑھا کر 5ہزار جبکہ میڈیکل کنسلنٹ/ سپیشلسٹ،ڈینٹل سرجن کے ٹیکسوں میں بھی اضافہ کی تجویز دی گئی، اجلاس کو بتایا گیا کہ آئندہ سال ہاؤسنگ سوسائٹی کنٹونمنٹ ، ڈی ایچ اے میں خالی پلاٹوں پر ایک ہزار روپے فی مرلہ سالانہ ٹیکس اور انڈسٹری کے پلاٹوں پر 2 سو روپے فی مرلہ ٹیکس عائد کرنے کی تجویز دی گئی - 5مرلہ اور بیوہ کے مکانوں کو ٹیکس سے مستثنیٰ قرار دیا گیا ،صوبائی وزیر کو بتایا گیا کہ قبضہ لینے والے پلاٹ مالکان کو 3سال بعد ٹیکس عائد کیا جائے گا، محکمہ میں ری سٹرکچرنگ کے حوالے سے نارکوٹکس تھانے قائم کرنے اور مختلف اضلاع میں ایکسائز اینڈ ٹیکشن دفاتر کے لئے لینڈ کی سفارش کی گئی ہے ،موٹر وہیکل بائیو میٹرک سسٹم کے تحت رجسٹریشن کے لئے نادرا سے لنک کرنے پر 8.5 ملین فنڈز کی دستیابی کے لئے سفارش کی گئی -
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.