وزیر اعلی کی زیرصدارت اجلاس ، زرعی پیکیج 2016 ء پر عملدرآمد کے لئے تجویز کردہ اقدامات کا تفصیلی جائزہ
زراعت کی ترقی کے ساتھ چھوٹے کاشتکاروں کی مشکلات کم کرنا اور فی ایکڑ پیدار بڑھانا ہمارا مشن ہے ‘شہباز شریف کسان کی خوشحالی کے لئے 100 ارب روپے کا تاریخی پیکیج دیا ہے، پیکیج کی ایک ایک پائی کاشتکاروں کی فلاح پر خرچ کی جائے گی
بدھ 25 مئی 2016 22:45
لاہور(اُردو پوائنٹ اخبارتازہ ترین - این این آئی۔25 مئی۔2016ء )وزیراعلیٰ پنجاب محمد شہباز شریف کی زیر صدارت یہاں چار گھنٹے طویل اجلاس ہوا-جس میں اجلاس میں زراعت کی ترقی اور کسانوں کی خوشحالی کے لئے اعلان کردہ زرعی پیکیج 2016ء پر عملدرآمد کے لئے تجویز کردہ اقدامات کا تفصیلی جائزہ لیا گیا-وزیر اعلی محمد شہباز شریف نے اجلا س سے خطاب کرتے ہوئے کہا کہ پنجاب حکومت نے زراعت کی ترقی اور کسان کی خوشحالی کے لئے 100 ارب روپے کا تاریخی پیکیج دیا ہے - زرعی پیکیج پر عملدرآمد کے حوالے سے کاشتکاروں کے نمائندوں سے بھی مشاورت کی گئی ہے - زرعی پیکیج کی پائی پائی کاشتکاروں کے فلا ح وبہبود پر خرچ کی جائے گی- انہوں نے کہا کہ زراعت کی ترقی کے ساتھ چھوٹے کاشتکاروں کی مشکلات کم کرنا اور فی ایکڑ پیدار بڑھانا ہمارا مشن ہے - انہوں نے کہا کہ زرعی معیشت کو پائیدار بنیادوں پر مستحکم کرنا ہے اورچھوٹے کاشتکار کو اس کے پاؤں پر کھڑا کریں گے-ایسے اقدامات کئے جائیں گے جس سے چھوٹے کاشتکار کو براہ راست فائدہ پہنچے گا-انہوں نے کہا کہ محکمہ زراعت کے شعبہ توسیع و تحقیق کو فعال بناناہو گااورجعلی زرعی ادویات کے سدباب کے لئے موثر اقدامات اٹھانے کی ضرورت ہے- انہوں نے کہا کہ زرعی کمیشن کو مستقل ادارہ بنایا جائے گا - وزیر اعلی نے اس ضمن میں قانون سازی کے لئے فوری اقدامات کرنے کی ہدایت کرتے ہوئے کہا کہ زرعی پیکیج کے تحت تجویز کردہ اقدامات کو بھی جلد سے جلد حتمی شکل دی جائے اورتجویز کردہ اقدامات پر عملدرآمد کے لئے موثر میکانزم بھی بنایا جائے- انہوں نے کہا کہ کاشتکاروں کی فلاح و بہبود کے لئے ہر ممکن انتظامی و مالی اقدام اٹھایا جائے گا- زراعت کو پاکستان کی معیشت میں ریڑھ کی ہڈی کی حیثیت حاصل ہے - کسان خوشحال ہو گا تو پاکستان ترقی کرے گا- چھوٹے کاشتکار کی ترقی اور مفاد مقدم ہے اور اس مقصد کے لئے تمام وسائل بروئے کار لائے جا رہے ہیں - کسان پیکیج پر عملدرآمد سے زراعت فروغ پائے گی اور کسان کی حالت بہتر ہو گی- صوبائی وزراء رانا ثناء اللہ ، بلال یاسین ، ڈاکٹر فرخ جاوید ، میا ں یاور زمان ، ڈاکٹر عائشہ غوث پاشا، ملک آصف بھا، چیف سیکرٹری ، متعلقہ محکموں کے سیکرٹریز صاحبان، زرعی ماہرین اور اعلی حکام نے اجلا س میں شرکت کی-
مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.