Live Updates

انسداد دہشتگردی عدالت نے پی ٹی وی ، پارلیمنٹ حملہ کیس میں عمران خان اور طاہر القادری کی حاضری سے استثنیٰ کی درخواست منظور کر لی

Mian Nadeem میاں محمد ندیم پیر 30 مئی 2016 13:43

انسداد دہشتگردی عدالت نے پی ٹی وی ، پارلیمنٹ حملہ کیس میں عمران خان ..

اسلام آباد(ا ردو پوائنٹ اخبارتازہ ترین-انٹرنیشنل پریس ایجنسی۔30مئی۔2016ء) اسلام آباد کی انسداد دہشتگردی عدالت نے پی ٹی وی ، پارلیمنٹ حملہ کیس میں عمران خان اور طاہر القادری کی حاضری سے استثنیٰ کی درخواست منظور کر لی۔ عدالت پیش نہ ہونے والے ملزمان کو نوٹسز جاری کر دیئے گئے۔ اسلام آباد کی انسداد دہشتگردی عدالت کے جج سید کوثر عباس زیدی نے پی ٹی وی ، پارلیمنٹ حملہ کیس کی سماعت کی۔

(جاری ہے)

چیئرمین تحریک انصاف عمران خان اور عوامی تحریک کے سربراہ طاہر القادری کی جانب سے حاضری سے استثنیٰ کی درخواستیں دائر کی گئیں۔ عدالت نے عمران خان ، طاہر القادری اور پیش ہونے والے دیگر ملزمان کو حاضری سے استثنیٰ دے دیا جبکہ مسلسل غیر حاضر ملزمان کو نوٹسز جاری کرتے ہوئے سماعت 11 جولائی تک ملتوی کر دی گئی۔ ملزمان پر دھرنوں کے دوران کار سرکار میں مداخلت ، توڑ پھوڑ اور دہشتگردی کی دفعات کے تحت مقدمات درج ہیں۔

Live عمران خان سے متعلق تازہ ترین معلومات