ابھی شادی نہیں کی۔عمران خان کی تردید

شادی کروں گا تو باقاعدہ اعلان کروں گا، شادی کی خوشی قوم کے ساتھ ملکر دھوم دھام سے مناؤں گا،مجھے اس خاتون کا نام تو بتایا جائے جس سے میری شادی ہوئی ہے۔چیئرمین تحریک انصاف کا ٹویٹ

ثنااللہ ناگرہ منگل 12 جولائی 2016 15:13

لندن(اردوپوائنٹ تازہ ترین اخبار۔12جولائی 2016ء) :تحریک انصاف کے چیئرمین عمران خان نے اپنی شادی کی خبروں کی تردید کردی ہے، مائیکرو بلاگنگ ویب سائٹ ٹویٹر پر انہوں نے اپنے ٹویٹ میں کہاکہ میں نے ابھی شادی نہیں کی۔جب شادی کروں گا تو باقاعدہ اعلان کروں گا۔انہوں نے کہا کہ شادی کی خوشی قوم کے ساتھ ملکر دھوم دھام سے مناؤں گا۔

(جاری ہے)

دوسری جانب قریبی ذرائع کا کہنا ہے کہ جب عمران خان سے شادی کا پوچھا گیا تو انہوں نے کہا کہ مجھے اس خاتون کا نام تو بتایا جائے جس سے میری شادی ہوئی ہے۔

قریبی ذرائع کے مطابق عمران خان کا کہنا ہے کہ انہیں شادی کی اطلاع میڈیا کے ذریعے ہوئی ہے۔تاہم عمران خان نے اپنی تیسری شادی کی تمام خبروں کی تردید کردی ہے۔

Rumours abt my marriage absolutely baseless. I have not gotten married. When I do I will announce & celebrate publicly.
— Imran Khan (@ImranKhanPTI) July 12, 2016