تحریک انصاف کو دفاعی پوزیشن پر لانے کے لیے مسلم لیگ نون کے میڈیا سیل نے بھرپور ”حملے “کرنے کی منصوبہ بندی کرلی
میاں محمد ندیم جمعرات 14 جولائی 2016 14:06
اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔14جولائی۔2016ء) پاکستان تحریک انصاف کو دفاعی پوزیشن پر لانے کے لیے مسلم لیگ نون کے میڈیا سیل نے بھرپور ”حملے “کرنے کی منصوبہ بندی کرلی ہے اور مسلم لیگ نون کے میڈیا سیل میں ”ریسرچرز“کی تعداد میں کئی گنا اضافہ کردیا گیا ہے ذرائع کے مطابق اس سلسلہ میں ایک معروف اینکر پرسن کی خدمات بھی حاصل کی گئی ہیں جن کی کمپنی پاکستان سوشل میڈیا امور پر گہری دسترس رکھتی ہے-مشرف کے ضلعی حکومتوں کے نظام لاہور کے پہلے ناظم اعلی کی ”لائنچنگ“میں بھی اسی کمپنی کی خدمات حاصل کی گئی تھیں -ذرائع کا کہنا ہے کہ اس وقت حکمران جماعت کے متعددمیڈیا سیل کام کررہے ہیں جوکہ براہ راست وزیراعظم نوازشریف کی صاحبزادی مریم نوازکے ماتحت ہیں -دوسری جانب تحریک انصاف بھی جوابی ”وار“کے لیے تیار بیٹھی ہے اور اس بار اس نے لندن میں اپنا مرکزی میڈیا سیل قائم کرکے مسلم لیگ نون اور دیگر محالفین کو جواب دینے کا فیصلہ کیا ہے-ذرائع نے یہ بھی بتایا ہے کہ عمران خان کی تیسری شادی کے بارے میں حالیہ اطلاعات کا ”سورس“ بھی مسلم لیگ نون کا میڈیا سیل ہے-یہی وجہ ہے کہ تحریک انصاف عدالت میں جانے سے پہلے ان تمام سوشل میڈیا سائٹس ‘نیوزویب سائٹس کے آئی پی حاصل کرنے میں مصروف ہے تاکہ وہ عدالت میں بطور ثبوت پیش کیئے جاسکیں -ذرائع کا کہنا ہے کہ دوہفتوں میں تحریک انصاف اندرون ملک اور بیرون ملک ایک بڑی تحریک شروع کرنے جارہی ہے اور عمران خان لندن میں پی ٹی آئی کے بڑے فنانسرزکے ساتھ اسی لیے ملاقاتیں کررہے ہیں کہ تحریک کسی مقام پر آکرمالی مشکلات کا شکار نہ ہوجائے- ذرائع کے مطابق لندن میں موجود تحریک انصاف کے سرکردہ راہنماﺅں نے پیپلزپارٹی کی شرکت پر تحفظات کا اظہار کیا ہے کیونکہ پی ٹی آئی راہنماﺅں کا خیال ہے کہ مسلم لیگ نون اور پیپلزپارٹی کے درمیان ڈیل ہوچکی ہے لہذا تحریک انصاف اپنی تحریک خود چلائے -
متعلقہ عنوان :
مزید اہم خبریں
-
سونے کی قیمت میں بڑے اضافے کے بعد 1700 روپے کی کمی ہوگئی
-
پاکستان اور ترکیہ کی عسکری قیادت کے درمیان دفاعی تعاون کو مزید وسعت دینے کا عزم
-
وزیراعظم کا مسلم لیگ (ن) اور اتحادی جماعتوں کے اراکین سے فرداً فرداً مصافحہ
-
پارلیمنٹ کا مشترکہ اجلاس،صدر زرداری کا خطاب، اپوزیشن کا احتجاج اور شور شرابا
-
چوہدری شافع حسین کا ڈائریکٹوریٹ آف کنزیومر پروٹیکشن کونسل کا دورہ، مختلف شعبوںکی ورکنگ کا جائزہ لیا
-
سپیکرایازصادق اور چیئرمین سینیٹ نے پارلیمان کے مشترکہ اجلاس کی مشترکہ صدارت کی
-
دہشتگردی سے نمٹنے کیلئے پاکستانی کوششوں کی حمایت کرتے ہیں،ترجمان امریکی محکمہ خارجہ
-
وزیراعظم محمد شہباز شریف کا مسلم لیگ (ن) اور اتحادی جماعتوں کے اراکین سے فرداً فرداً مصافحہ
-
ایئر پورٹس کی آئوٹ سورسنگ کے لیے ترکیہ نے دلچسپی ظاہر کر دی
-
ہمارے لیے کچھ ممالک کے ساتھ تعلقات کی مذہبی اور معاشی لحاظ سے بہت اہمیت ہے، وزیر دفاع
-
ایرانی صدر کا دورہ پاکستان پہلے سے طے شدہ تھا، اسرائیل سے صورتحال ابھی پیدا ہوئی، اس کا دورے سے کوئی تعلق نہیں ،اسحاق ڈار
-
رانا ثنا اللہ کے خلاف مقدمہ درج کرنے کی درخواست پر ایس ایس پی ملیر کو نوٹس جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.