پاکستان کرپشن اور لوڈ شیڈنگ کی آگ میں جل رہا ہے ،کرپٹ نظام میں 100 الیکشن بھی ہو جائیں جمہوریت نہیں شخصی اقتدار مضبوط ہو گا،وزیر اعظم اپنے ذریعہ معاش اور اثاثوں کے حوالے سے قوم کے سوالات کا جواب نہیں دے سکے
پاکستان عوامی تحریک کے سر براہ ڈاکٹر طاہر القادری کی گلاسگو میں گفتگو
جمعہ 22 جولائی 2016 22:55
لاہور/گلاسگو(اُردو پوائنٹ اخبارتازہ ترین - آئی این پی۔22 جولائی ۔2016ء) پاکستان عوامی تحریک کے سر براہ ڈاکٹر طاہر القادری نے کہا ہے کہ موجودہکرپٹ نظام میں 100 الیکشن بھی ہو جائیں جمہوریت نہیں شخصی اقتدار مضبوط ہو گا،جس وزیر اعظم کے حلقہ کے عوام انہیں ایماندار نہ سمجھتے ہوں وہ ملک کے کسی اور حصے میں کیسے مقبول ہو سکتا ہے؟ پاکستان کرپشن اور لوڈ شیڈنگ کی آگ میں جل رہا ہے۔
وہ گزشتہ روز گلاسگو میں پاکستانی کمیونٹی کی ممتاز شخصیات سے ملاقات کے دوران گفتگو کر رہے تھے۔ڈاکٹر طاہر القادری نے کہاکہ جس دن ایک آزاد،خود مختار اور الیکشن کا آئینی و قانونی ڈھانچہ تشکیل پا گیا تو سیاست کے ہامان اور شداد اوندھے منہ گریں ملیں گے۔ڈاکٹر طاہر القادری نے کہاکہ اگست کا مہینہ انتہائی اہم ہے۔(جاری ہے)
عوام ملکی خزانے کی لوٹ مار میں ملوث عناصر کا کڑا احتساب چاہتے ہیں۔
وزیر اعظم اپنے ذریعہ معاش ،ملکی وغیر ملکی اثاثوں کی خریداری کے ضمن میں استعمال ہونے والی بھاری رقوم کا قانونی جواز بالخصوص پانامہ لیکس کے حوالے سے قوم کے سوالات کا جواب نہیں دے سکے۔بادی النظر میں وہ امین اور صادق نہیں رہے انکا جواب دئیے بغیر ملک کے اعلیٰ منصب پر فائز رہنا عوام ،جمہوریت اور آئین کی توہین ہے۔ترکی،مقبوضہ کشمیر کے حالات اور ریموٹ کنٹرولڈ انتخابی نتائج پانامہ لیکس کے احتساب کے عوامی مطالبہ پر اثر انداز نہیں ہو سکتے۔انہوں نے کہاکہ وزیر اعظم پر ملکی دولت لوٹنے کا ہی نہیں بلکہ بے گناہ شہریوں کو قتل کرنے کا بھی سنگین الزام ہے وہ ماڈل ٹا?ن کے بے گناہ شہریوں کے قتل کے نامزد ملزم ہیں اور ہم شہدائے ماڈل ٹا?ن کے ورثا کو انصاف دلوانے تک چین سے نہیں بیٹھیں گے۔ انہوں نے کہاکہ مہنگائی ،غیر ملکی قرضوں سے نجات اور فوری انصاف کی فراہمی کے دعوے بھی ریت کی دیوار ثابت ہوئے موجودہ حکمران عوام کے بنیادی مسائل حل کرنے میں مکمل طور پر ناکام ہوچکے ہیں۔مزید اہم خبریں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.