غیرت کے نام پر ایک اور قتل ۔ برطانوی خاتون کو غیرت کی بھینٹ چڑھا دیا گیا
برطانوی رکن پارلیمنٹ ناز شاہ کا وزیر اعظم نواز شریف کو خط
سمیرا فقیرحسین منگل 26 جولائی 2016 12:45
اسلام آباد(اُردو پوائنٹ تازہ ترین اخبار۔ 26 جولائی 2016ء) : پاکستان میں غیرت کے نام پر قتل ایک عام سی چیز بن گئی ہے۔ کچھ دن قبل پاکستان کی ماڈل قندیل بلوچ کو غیرت کے نام پر بھائی نے قتل کیا تو اب ایک برطانوی خاتون بھی غیرت کی بھینٹ چڑھ گئی ہیں۔ تفصیلات کے مطابق برطانوی خاتون سامعہ شاہد کو پاکستان بلوا کر قتل کر دیا گیا ہے۔ تفصیلات کے مطابق برطانوی اخبار دی گارڈین کی ایک رپورٹ کے مطابق سامعہ شاہد کے شوہر مختار کاظم نے دعویٰ کیا کہ ان کی اہلیہ کو دھوکے سے پاکستان بلوا کر مرضی کی شادی کرنے پر غیرت کی بھینٹ چڑھا دیا گیا۔
بریڈ فوڈ سے تعلق رکھنے والی 28 سالہ پاکستانی نژاد سامعہ شاہد بیوٹی تھراپسٹ تھی جو کہ جنوبی پنجاب منگلہ ڈیم کے قریب واقع گاؤں پندوری میں اپنے رشتہ داروں سے ملاقات کے لیے آئی جہاں وہ فوت ہو گئی۔(جاری ہے)
سامعہ کے شوہر کا کہنا تھا کہ سامعہ کو رشتہ دار خاتون کے انتقال کی خبر دے کر پاکستان بلوایا گیا۔ انہوں نے بتایا کہ سامعہ 14 جولائی کو اسلام آباد پہنچی جس کے بعد سامعہ کے انتقال کی خبر موصول ہو گئی۔
انہوں نے کہا کہ سامعہ کے اہل خانہ نے موقف اختیار کیا کہ سامعہ کا انتقال دل کا دورہ پڑنے سے ہوا۔ مختار نے موقف اختیار کیا کہ سامعہ کے اہل خانہ نے غیر خاندان ہونے کی بنا پر مجھے بہت مشکل سے قبول کیا اور مجھے خدشہ ہے کہ سامعہ کو ان کے اہل خانہ ہی نے قتل کیا ہے۔ مختار نے بتایا کہ سامعہ پاکستان میں رہائش پذیر اپنے ایک کزن سے شادی کر شکی تھی لیکن ستمبر 2014ء کو مجھ سے شادی سے قبل سامعہ نے اپنے پہلے شوہر سے علیحدگی اختیار کر لی تھی۔ دوسری جانب سامعہ کے والد نے اس کے شوہر کے دعووں کو سختی سے مسترد کرتے ہوئے انہیں جھوٹا اور بے بنیاد قرار دیا ہے۔ انہوں نے کہا کہ میری بیٹی پر کسی قسم کا کوئی دباؤ نہیں تھا اور وہ ہنسی خوشی زندگی بسر کر رہی تھی۔ اس واقعہ کے بعد برطانوی رکن پارلیمنٹ ناز شاہ نے وزیر اعظم نواز شریف کو خط لکھا جس میں کہا گیا کہ سامعہ کی قبر کُشائی کر کے غیر جانبدار پوسٹمارٹم کروایا جائے انہوں نے اپنے خط میں وزیر اعظم نواز شریف سے اس کیس میں مداخلت کرنے کا بھی مطالبہ کیا۔ اس کیس کی تفتیش کرنے والے پولیس اہلکاروں کے مطابق سامعہ کے جسم کے نمونے فرانزک ٹیسٹ کے لیے لاہور بھجوا دئے گئے ہیں جبکہ ضلع جہلم کے اسٹیشن ہاؤس آفیسر کا کہنا ہے کہ سامعہ کی موت کے بعد اس کا پوسٹمارٹم کیا گیا ، سامعہ کے جسم پر کسی زخم یا تشدد کے نشانات موجود نہیں تھے،جس کے بعد اسے گاؤں کے قبرستان میں ہی سپرد خاک کر دیا تھا۔متعلقہ عنوان :
مزید اہم خبریں
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
نواز شریف کو پارٹی صدر بنانے کی تیاریاں،ن لیگ پنجاب کا ہنگامی اجلاس آج طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.