عراق میں ہلاک ہونے والے مسلمان امریکی فوجی اہلکار کے پاکستانی نژاد والد ڈونلڈ ٹرمپ پر برس پڑے
میاں محمد ندیم جمعہ 29 جولائی 2016 16:28
فلاڈیلفیا(اردو پوائنٹ اخبارتازہ ترین-انٹرنیشنل پریس ایجنسی۔29جولائی۔2016ء) عراق میں ہلاک ہونے والے مسلمان امریکی فوجی اہلکار کے والد ری پبلکن پارٹی کے صدارتی امیدوار ڈونلڈ ٹرمپ پر برس پڑے۔ فلاڈیلفیا میں ہونے والے ڈیموکریٹ پارٹی کے کنونشن سے خطاب میں پاکستانی نژاد خضرخان نے ڈونلڈ ٹرمپ سے سوال کیا کہ کیا انہوں نے امریکی آئین پڑھا ہے؟ ان کا کہنا تھا کہ کیا ان کا بیٹا امریکی نہیں تھا یا اس نے اپنی جان قربان کرکے امریکی فوج کی خدمت نہیں کی؟ خضر خان کے بیٹے کیپٹن ہمایوں خان 2004 میں عراق میں ایک کار بم دھماکے میں ہلاک ہوگئے تھے، اس وقت ان کی عمر 27 سال تھی۔
خضر خان کا کہنا تھا کہ ڈونلڈ ٹرمپ کے برعکس ڈیموکریٹ پارٹی کی صدارتی امیدوار ہیلری کلنٹن نے میرے بیٹے کو امریکا کا بہترین شہری قرار دیا۔(جاری ہے)
ڈونلڈ ٹرمپ مسلمانوں کے خلاف نفرت انگیز بیانات دینے کی وجہ سے مشہور ہیں، انہوں نے دھمکی تھی کہ اگر وہ امریکا کے صدر بن گئے تو وہ مسلمانوں کے امریکا آنے پر پابندی لگادیں گے، اس کے علاوہ وہ امریکا اور میکسیکو کی سرحد پر دیوار کھڑی کرنے کی بھی تجویز دے چکے ہیں۔
خضر خان نے اپنے بیٹے کو خراج عقیدت پیش کرتے ہوئے ڈونلڈ ٹرمپ کو آئین کی کاپی ادھار لینے کی بھی پیشکش کی۔ان کا کہنا تھا کہ ڈونلڈ ٹرمپ آئین میں ان الفاظ 'آزادی اور سب کے لیے قانونی حفاظت‘ کو بغور پڑھیں، ساتھ ہی انھوں نے سوال کیا کہ کیا وہ (ٹرمپ) کبھی آ رلنگٹن قبرستان گئے ہیں؟ اس قبرستان میں بہادر نوجوان دفن ہیں جنہوں نے امریکا کا دفاع کرتے ہوئے اپنی جانوں کا نذرانہ پیش کیا۔ان کا مزید کہنا تھا کہ ڈونلڈ ٹرمپ نے کبھی کوئی قربانی نہیں دی، اگر آپ آر لنگٹن قبرستان جائیں تو انھیں تمام مذاہب اور رنگ و نسل کے جوانوں کی قبریں ملیں گی۔ 1980 میں امریکا منتقل ہونے والے خضر خان کا کہنا تھا کہ وہ اور ان کی اہلیہ محب الوطن امریکی مسلمان ہیں اور بہت سے تارکین وطن کی طرح وہ بھی خالی ہاتھ اس ملک میں آئے تھے۔انہوں نے زور دیا کہ تمام مسلمان تارکین وطن اور محب الوطن شہری صدارتی الیکشن کو غیر سنجیدہ نہ لیں اور منافرت اور انتشار پھیلانے والے امیدوار کے بجائے زخموں پر مرہم رکھنے والے امیدوار کو ووٹ دیں۔واضح رہے کہ امریکا میں نومبر میں ہونے والے صدارتی انتخاب میں ڈیموکریٹک کی ہیلری کلنٹن کا مقابلہ ری پبلکن امیدوار ڈونلڈ ٹرمپ سے ہوگا۔متعلقہ عنوان :
مزید اہم خبریں
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
خیبرپختونخوا ہ حکومت کا صحت کارڈ کی مد میں ڈاکٹرز کو موصول رقم پر سیلز ٹیکس لگانے کا فیصلہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
مفت دوائیں گھرپہنچانے کا منصوبہ،دیہاتوں کے مریض سہولت سے فائد ہ نہیں اٹھاسکیں گے
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.