پوکیمون گو کے کھلاڑی نے تمام پوکیمون پکڑ لیے اورساتھ ہی اپنا وزن بھی کم کر لیا

امین اکبر ہفتہ 30 جولائی 2016 04:07

دنیا میں جہاں جہاں پوکیمون گو گیم ریلیز ہو چکی ہے، وہاں اکثر کھلاڑی لیول 11 پر پہنچ چکےہیں تاہم32سالہ برطانوی سام کلارک برطانیہ میں دستیاب تمام 142اقسام کے پوکیمون پکڑ چکا ہے۔ سام نے تمام پوکیمونز کو پکڑنے کےلیے 225 کلومیٹر کا فاصلہ پیدل طے کیا ہے۔ اس دوران اس نے 1390عفریتوں کو بھی پکڑا۔ سب سے آخر میں اس نے پوکیمون Laprasکو پریمارک کے نزدیک سے پکڑا۔

سام نے سب سے پہلے تمام پوکیمونز پکڑ کر اعزاز ہی نہیں بنایا بلکہ اس نے پیدل چل کر اپنا وزن بھی کم کر لیا ہے۔

(جاری ہے)

چار بچوں کے باپ سام کا کہنا ہے کہ وہ 10سالوں سے اپنا وزن کم کرنے کی کوشش کر رہا ہے مگر اسے کوئی تحریک ہی نہیں ملتی تھی۔ سام کا کہنا ہے کہ 2008 میں کار ایکسیڈنٹ کے باعث اس کی گردن میں چوٹ لگنے سے اس کا باہر نکلنا کم ہوگیا ، جس سے اس کا وزن بہت زیادہ بڑھ گیاتھا، مگر اب وہ جینز بھی آرام سے پہن سکتا ہے۔

سام نے حساب لگا کر بتایا کہ اس نے گیم کھیلتےہوئے ساؤتھ ہیمپٹن سے لندن اور لندن سے ساؤتھ ہمیپٹن جتنا فاصلہ طے کیا ہے۔سام اس وقت گیم کے 24ویں لیول پر ہے۔
سام کا کہنا ہے کہ اگرچہ میں نے تمام پوکیمونز پکڑ لیےہیں مگر میں گیم کھیلنا جاری رکھوں گا تاکہ میرا وزن مزید کم ہو جائے۔

Facebook Twitter Google + Share on Whatsapp

پوکیمون گو کے کھلاڑی نے تمام پوکیمون پکڑ لیے اورساتھ ہی اپنا وزن بھی کم کر لیا

متعلقہ عنوان :

مزید عجیب و غریب خبریں