دہشت گردی کے خلاف پاکستان، چین، افغانستان اور تاجکستان کا نیا چاررکنی اتحاد
میاں محمد ندیم جمعرات 4 اگست 2016 11:06
اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔04 اگست۔2016ء) پاکستان، چین، افغانستان اور تاجکستان نے دہشتگردی سے نمٹنے کیلئے نیا چار فریقی اتحاد قائم کرلیا اور اس بات کا باضابطہ اعلان چین میں کیا گیا۔چین کے شہر ارومچی میں ان چاروں ممالک سے تعلق رکھنے والے اعلیٰ فوجی کمانڈرز نے چار فریقی کوآپریشن اینڈ کوآرڈینیشن میکنزم (کیو سی سی ایم) کہلانے والے اس نئے اتحاد کے افتتاحی اجلاس میں شرکت کی۔
پاک فوج کے شعبہ تعلقات عامہ انٹر سروس پبلک ریلیشنز (آئی ایس پی آر) کی جانب سے جاری ہونے والے بیان میں اس بات کی تصدیق کی گئی ہے کہ 3 اگست 2016 کو چین کے صوبے سنکیانگ کے شہر ارومچی میں انسداد دہشتگردی کیلئے قائم کیو سی سی ایم کا افتتاحی اجلاس ہوا جس میں پاکستان، چین، افغانستان اور تاجکستان کی اعلیٰ فوجی قیادت نے شرکت کی۔(جاری ہے)
اجلاس میں افغان نیشنل آرمی کے چیف آف جنرل اسٹاف قدم شاہ شمیم، محکمہ سینٹرل ملٹری کمیشن کے چیف آف جوائنٹ اسٹاف جنرل فانگ فینگوہی، پاک فوج کے چیف آف آرمی اسٹاف جنرل راحیل شریف اور تاجکستان کے چیف آف جنرل اسٹاف اور فرسٹ نائب وزیر دفاع میجر جنرل ای اے کوبڈزوڈا شریک ہوئے۔
کیو سی سی ایم کا قیام دراصل چین کا منصوبہ تھا تاہم اس میں پاکستان کے آرمی چیف جنرل راحیل شریف نے بھی فعال کردار ادا کیا۔جنرل راحیل شریف اس حوالے سے بات چیت کے لئے مارچ کے مہینے میں افغانستان اور تاجکستان گئے تھے، جب وہ کابل پہنچے تو وہاں اتفاقیہ طور پر جنرل فانگ بھی موجود تھے جو اسی اتحاد کے سلسلے میں وہاں موجود تھے۔کیو سی سی ایم کا اجلاس ختم ہونے کے بعد جاری ہونے والے اعلامیہ کے مطابق اجلاس کے شرکاءنے اس بات پر اتفاق کیا کہ دہشتگردی اور شدت پسندی خطے کی سلامتی اور استحکام کیلئے خطرہ ہے۔اعلامیے میں مزید کہا گیا کہ اتحاد میں شامل چاروں ممالک اس بات پر متفق ہیں کہ وہ ایک دوسرے کی سلامتی،استحکام اور قیام امن کیلئے دہشتگردی سے نمٹنے میں تعاون کریں گے۔اس معاہدے کے تحت چاروں ممالک انسداد دہشتگردی کی صورتحال کے جائزے، معلومات کی تصدیق، انٹیلی جنس معلومات کے تبادلے، انسداد دہشتگردی کیلئے صلاحیتوں میں اضافے، مشترکہ تربیتی مشقیں اور فوجیوں کی تربیت کے حوالے سے ایک دوسرے کے ساتھ تعاون کریں گے۔اس بات پر بھی اتفاق ہوا کہ کیو سی سی ایم اتفاق رائے سے اپنا کام کرے گا اور یہ بات واضح کردی گئی کہ یہ اتحاد کسی ملک یا بین الاقوامی تنظیم کے خلاف نہیں ہے۔مزید اہم خبریں
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
8 فروری کو ن لیگ پنجاب میں زیادہ سے زیادہ صرف 40 نشستیں جیتی
-
ٰآئی ایم ایف کے نئے پروگرام کیلئے اسٹاف لیول معاہدہ جولائی میں ہونے کا امکان ہے، محمد اورنگزیب
-
پنجاب میں ن لیگ ختم ہوگی تو کوئی ایسا ہوگا جو خلاء کو پُر کرے گا
-
نان بائی ویلفیئرایسوسی ایشن نے روٹی، نان کے سرکاری نرخ کو چیلنج کردیا
-
جنرل ر قمر باجوہ نے نوازشریف کو باہر میں بھیجنے میں سہولتکاری کی تھی
-
8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی آئی
-
ایران کے صدر کی کراچی آمد،گورنر اور وزیراعلی سندھ نے پرتپاک استقبال کیا
-
ڈیجیٹل انسانی ترقی کے انڈکس میں پاکستان 193 ممالک میں 164 ویں نمبر پر آگیا
-
معیاری تعلیم کا فروغ ہماری حکومت کی اولین ترجیح ہے، بھرپور کوشش ہے کوئی بھی بچہ اسکول سے باہر نہ ہو ، وزیراعظم
-
معیاری تعلیم کا فروغ ہماری حکومت کی اولین ترجیح ہے،ہماری بھرپور کوشش ہے کہ کوئی بھی بچہ سکول سے باہر نہ ہو ، وزیراعظم محمد شہباز شریف کی برطانیہ کی معروف جامعات کے نمائندہ وفد سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.