پاکستان کی دشمن قوتیں دہشت گردی کرواکرکے ملک کے امن کو تباہ کرناچاہتی ہیں

پاکستان یونین ناروے کے چیئرمین چوہدری قمراقبال کی کوئٹہ خودکش دھماکے کی مذمت

پیر 8 اگست 2016 19:43

اوسلو(اُردو پوائنٹ اخبارتازہ ترین - آئی این پی۔8 اگست ۔2016ء) پاکستان یونین ناروے کے چیئرمین چوہدری قمراقبال نے کوئٹہ میں ایک خودکش دھماکے میں قیمتی انسانی جانوں کے ضیاع پر کہاہے کہ پاکستان کی دشمن قوتیں دہشت گردی کرواکرکے ملک کے امن کو تباہ کرناچاہتی ہیں۔اپنے ایک بیان میں کوئٹہ خودکش دھماکے اوراس سے قبل بلوچستان بارکے صدربلال انورکاسی کی شہادت کی مذمت کرتے ہوئے انھوں نے کہاہے کہ یہ حملہ پاکستان پر حملہ ہے۔

ایسے وقت یہ ظالمانہ اور سفاکانہ کاروائی کی گئی ہے جب پاکستان کے غیورعوام چودہ اگست یوم آزادی منانے کی تیاری کررہے ہیں۔ پاکستا ن کے دشمن پاکستان کی خوشیاں دیکھ نہیں سکتے۔ اگرچہ یہ انتہائی غم کا موقع ہے لیکن پاکستان کے عوام ایک بہادرقوم ہے اور وہ کبھی خوف وہراس میں مبتلانہیں ہوں گے۔

(جاری ہے)

آفرین ہے ، پاکستان کے عوام کو جنھوں نے دہشت گردی کا مقابلہ بہادری اور شجاعت کے ساتھ کیاہے۔

یہ غیورعوام دہشت گردی جیسی لعنت پر قابوپانے میں کامیاب ہوجائیں گے۔ پاکستان یونین ناروے کے چیئرمین نے حکومت پاکستان سے مطالبہ کیاکہ وہ دہشت گردوں کو کڑی سے کڑی سزادے۔ انھوں نے کوئٹہ دھماکے میں شہید ہونے والے لوگوں کے لواحقین کے ساتھ گہری ہمدردی کااظہارکیااورکہاکہ یہ ساری قوم کا غم ہے۔ اس دھماکے میں بہت سی قیمتی جانیں جن میں وکلاء بھی شامل ہیں، شہیدہوئے۔اﷲ تعالیٰ جان بحق ہونے والوں کی مغفرت کرے اورپسماندگان کو صبرجمیل عطا فرمائے۔

متعلقہ عنوان :