مسافروں کیلئے محفوظ اور آرام دہ سفری سہولتیں پہنچانے کیلئے کوئی کسر نہ اٹھا رکھی جائے'خواجہ سعد رفیق
مسافروں کی سہولت کیلئے تمام بڑے ریلوے سٹیشنوں سمیت ٹرینوں میں انٹرنیٹ فراہم کرنے کیلئے فوری طور پر ایک ماڈل تیار کیا جائے، وفاقی وزیر ریلوے خواجہ سعد رفیق کا اجلاس سے خطاب
پیر 8 اگست 2016 21:27
لاہور(اُردو پوائنٹ اخبارتازہ ترین - آئی این پی۔8 اگست ۔2016ء) وفاقی وزیر ریلوے خواجہ سعد رفیق نے کہا ہے کہ جدید دور کے تقاضوں کے مطابق مسافروں کی سہولت کے لیے تمام بڑے ریلوے سٹیشنوں سمیت ٹرینوں میں انٹرنیٹ اور وائی فائی فراہم کرنے کے لیے فوری طور پر ایک ماڈل تیار کیا جائے، اس سلسلے میں ڈائریکٹر جنرل آئی ٹی فہد رحما ن کی سربراہی میں ایک کمیٹی اگلے چند ہفتوں اپنی رپورٹ تیار کرکے پیش کرے گی۔
وہ پیر کو ریلوے ہیڈ کواٹرز آفس لاہورمیں ایک اعلی سطحی اجلاس کی صدارت کررہے تھے ۔ وزیر ریلوے نے مزید کہا کہ ریلوے ہیڈ کوارٹرز سمیت تمام ڈویژنوں میں بھی انٹرنیٹ اور وائی فائی کی سہولت اور ویڈیو کانفرنس کیلئے آلات نصب کئے جائیں تاکہ وقت ضائع کئے بغیر مشاورت کر کے محکمہ ریلوے کی مزیدبہتری کے لئے فوری اقدامات اٹھائے جا سکیں۔(جاری ہے)
وزیر ریلوے خواجہ سعد رفیق نے کہا کہ مسافروں کے لئے محفوظ اور آرام دہ سفری سہولتیں پہنچانے کے لئے کوئی کسر نہ اٹھا رکھی جائے۔
انہوں نے کہا کہ پانچ ٹرینوں جن میں پاکستان ایکسپریس ، تیز گام ایکسپرس، جعفر ایکسپریس، خیبر میل ایکسپریس اور عوام ایکسپریس کی اپ گریڈیشن کے سلسلے میں فوری اقدامات اٹھائے جائیں اور اس سلسلے میں جس چیز کی بھی ضرورت ہووہ فوری فراہم کی جائے ۔ وزیر ریلوے نے مزید کہا کہ تمام نئے تعمیرشدہ ریلوے سٹیشنوں پر مرد اور بالخصوص عورتوں کے لئے نماز پڑھنے کے لئے خصوصی انتظامات کئے جائیں تاکہ مسافروں کو اپنا دینی فریضہ سر انجام دینے کے لئے کوئی مشکل پیش نہ آسکے۔ اجلاس میں چیف ایگزیکٹو آفیسر محمد جاوید انور، مشیر ریلویز انجم پرویز ، ایڈیشنل جنرل منیجر انفراسٹرکچر ہمایو ں رشید، ایڈیشنل جنرل منیجرپسنجر مقصودالنبی، ایڈیشنل جنرل منیجر مکینیکل لیاقت علی چغتائی، فنانشنل ایڈوائزر اینڈ اکاؤنٹس آفیسرڈاکٹرسعید الہی،ڈویژنل سپرنٹنڈنٹ ورکشاپس مغل پورہ سلمان صادق، چیف مارکیٹنگ منیجر عبدالحمید رازی، چیف انجینئرکیرج اینڈویگن عدنان شافع، چیف مکینیکل انجینئرلوکو شاہد عزیز، ڈائریکٹر جنرل آئی ٹی فہد رحمان سمیت دیگر ریلوے کے اعلی افسران نے شرکت کی۔متعلقہ عنوان :
مزید اہم خبریں
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.