سول ہسپتال بم دھماکے سمیت دہشت گردی کے دیگر واقعات کے شہداء کا خون رائیگاں نہیں جائیگا،وزیراعلیٰ بلوچستان
دہشت گردی کیخلاف جاری جنگ کو ادھورا نہیں چھوڑیں گے، ہم نے فیصلہ کر لیا اب یاتو ملک میں دہشت گرد رہیں گے یا ہم رہیں گے،ثناء اﷲ خان زہری
بدھ 10 اگست 2016 18:18
کوئٹہ (اُردو پوائنٹ اخبارتازہ ترین - این این آئی۔10 اگست ۔2016ء ) وزیراعلیٰ بلوچستان نواب ثناء اﷲ خان زہری نے کہا ہے کہ سول ہسپتال بم دھماکے سمیت دہشت گردی کے دیگر واقعات کے شہداء کا خون رائیگاں نہیں جائے گا، دہشت گردی کے خلاف جاری جنگ کو ادھورا نہیں چھوڑیں گے، ہم نے فیصلہ کر لیا ہے کہ اب یاتو ملک میں دہشت گرد رہیں گے یا ہم رہیں گے۔ سانحہ کوئٹہ کے بعد زخمیوں اور شہداء کے لواحقین کا حوصلہ قابل تعریف ہے، جس سے ہمارا عزم مزید مستحکم ہوا ہے۔
ان خیالات کا اظہار انہوں نے سول ہسپتال بم دھماکے کے شہداء کی رہائش گاہوں پر اظہار تعزیت اور فاتحہ خوانی کے موقع پر لواحقین سے بات چیت کرتے ہوئے کیا۔ صوبائی وزیر داخلہ میر سرفراز بگٹی،رکن صوبائی اسمبلی حاجی محمد اسلام بلوچ اور آئی جی پولیس بھی وزیراعلیٰ کے ہمراہ تھے۔(جاری ہے)
وزیراعلیٰ نے سیکورٹی کے تمام خدشات کو پس پشت ڈال کر شہر کے مختلف مقامات پر واقع سانحہ سول ہسپتال کوئٹہ کے شہداء کی رہائش گاہوں پر جاکر لواحقین سے اظہار تعزیت و یکجہتی اور فاتحہ خوانی کی۔
وزیراعلیٰ آج ٹی وی کے کیمرہ مین شہید شہزاد احمد ، داؤد کاسی ایڈوکیٹ شہید، قاہر شاہ ایڈوکیٹ شہید، ڈان نیوز کے کیمرہ مین شہید محمود خان، باز محمد کاکڑ ایڈوکیٹ شہید اور بیرسٹر عدنان احمد شہید کی رہائش گاہوں پر گئے۔ اس موقع پر ورثاء کا حوصلہ بڑھاتے ہوئے وزیراعلیٰ نے کہا کہ وہ خود کو تنہا نہ سمجھیں اس وقت پوری قوم ان کے ساتھ کھڑی ہے اور ہم سب ان کے دکھ اور غم میں برابر کے شریک ہیں، شہداء نے ملک اور صوبے کے لیے جو قربانی دی ہیں انہیں رائیگاں نہیں جانے دیا جائے گا اور دہشت گردوں کا آخری حد تک پیچھا کر کے ان کا قلع قمع کیا جائیگا۔ وزیراعلیٰ نے کہا کہ جنگ دشمنوں نے شروع کی اسے انجام تک ہم پہنچائیں گے، یہ امر باعث تقویت ہے کہ سول سوسائٹی بھی دہشت گردوں سے شدید نفرت کا اظہار کر رہی ہے اور جلد از جلد ان کا خاتمہ چاہتی ہے، جو قومیں کسی اعلیٰ مقصد کے لیے یکجہت ہو جاتی ہیں تو پھر انہیں کامیابی سے کوئی نہیں روک سکتا، انہوں نے کہا کہ یہ حق و باطل کی جنگ ہے جس میں بالآخر فتح حق کی ہوگی، دنیا کا کوئی بھی مذہب خون ناحق بہانے کی اجازت نہیں دیتا ،دہشت گردوں کا ناتو کوئی مذہب ہے اور نہ کوئی قوم و قبیلہ ، وہ صرف دہشت گرد ہیں۔ وزیراعلیٰ نے کہا کہ دہشت گرد ہماری نسلوں کے دشمن ہیں انہوں نے ہمارے مستقبل پر وار کیا ہے ان سے ناحق بہائے گئے خون کے ایک ایک قطرے کا بدلہ لیا جائیگا۔ وزیراعلیٰ نے کہا کہ سیکورٹی پالیسی کا ازسر نو جائزہ لیا جارہا ہے اور ضرورت اور صورتحال کے مطابق اس میں ترامیم کر کے اسے مزید موثر بنایا جائیگا تاکہ دوبارہ اس قسم کے المناک واقعات رونما نہ ہوں۔ وزیراعلیٰ شہداء کے بچوں اور لواحقین سے بات چیت کرتے ہوئے آبدیدہ ہو گئے ۔مزید قومی خبریں
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
-
سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلی سطح اجلاس
-
رانا ثنا اللہ کیخلاف کراچی میں مقدمے کی درخواست، ایس ایچ او کو نوٹس جاری
-
نادرا نے ارجنٹ درخواست پر شناختی کارڈ ڈلیوری کی مدت 23سے کم کرکے 15دن کردی
-
وزیرصحت خواجہ سلمان رفیق کا نئے لیڈی ولنگٹن ہسپتال کی سائٹ کا دورہ ،جاری پیش رفت کا جائزہ لیا
-
نواز شریف کینسرکیئرہسپتال کے ماسٹر پلان کے حوالے سےاجلاس کا انعقاد
-
وزیراعلیٰ خیبر پختونخوا علی امین خان گنڈاپور سے عبداللہ فادل کی قیادت میں یونیسیف کے وفد کی ملاقات
-
صوبائی وزیرصحت خواجہ سلمان رفیق کا نئے لیڈی ولنگٹن ہسپتال کی سائٹ کا دورہ
-
سنگین مقدمات میں ملوث ملزم کا دشمنی کی بنا پرقتل
-
وزیراعلیٰ پنجاب کی ہدایت پر لاہورپولیس کا پتنگ بازی کے خلاف کریک ڈاؤن جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.