آئی جی پنجاب نے بچوں کے اغواء کے الزام کی آڑ میں شریف شہریوں کو تشددکا نشانہ بنانے کا نوٹس لے لیا

عوام میں اشتعال بڑھانے کی اجازت نہیں دی جائیگی،مشتاق احمد سکھیرا کی طرف سے فیلڈ افسران کو ہدایات جاری

بدھ 10 اگست 2016 20:48

لاہور(اُردو پوائنٹ اخبارتازہ ترین - این این آئی۔10 اگست ۔2016ء ) صوبے بھر میں گزشتہ ایک ہفتے کے دوران معصوم شہریوں پر بچوں کے اغواء کے الزام لگانے اور بغیر کسی ثبوت کے انہیں تشدد کا نشانہ بنانے کی کارروائیوں کا نوٹس لیتے ہوئے آئی جی پنجاب نے تمام فیلڈ افسران کو ہدایات جاری کی ہیں کہ وہ اپنے اپنے اضلاع میں ایسی تمام کارروائیوں کا سخت نوٹس لیں اور کسی بھی شخص کو قانون ہاتھ میں لینے کی اجازت نہ دیں۔

(جاری ہے)

ہدایات کے مطابق، فیلڈ افسران کومزید کہا گیا ہے کہ وہ ایسے شر پسند عناصر پر کڑی نظر رکھیں جو اپنے ذاتی عناد ، پرانی دشمنیوں اور خاندانی جھگڑوں کی آڑ میں شریف شہریوں کو تشدد کا نشانہ بنا رہے ہیں اور ان تمام کیسز میں تشدد کا شکار ہونے والے شہری بالکل بے گناہ ثابت ہو رہے ہیں۔ فیلڈ افسران کو یہ حکم بھی جاری کیا گیا ہے کہ وہ اپنے اضلاع میں عوامی نمائندوں اور سوسائٹی کے دیگر اکابرین کے ساتھ رابطوں کو بڑھائیں تا کہ عوام کی طرف سے قانون کو ہاتھ میں لینے اور لوگوں کی طرف سے پر تشددکارروائیوں کی حوصلہ شکنی کی جاسکے ۔

Facebook Twitter Google + Share on Whatsapp

آئی جی پنجاب نے بچوں کے اغواء کے الزام کی آڑ میں شریف شہریوں کو تشددکا نشانہ بنانے کا نوٹس لے لیا

عوام میں اشتعال بڑھانے کی اجازت نہیں دی جائیگی،مشتاق احمد سکھیرا کی طرف سے فیلڈ افسران کو ہدایات جاری

متعلقہ عنوان :

مزید قومی خبریں