کراچی کے عوام بہت عرصے سے تبدیلی کے خواہشمند ہیں،جہانگیر خان ترین
جو محرومی ،غربت کراچی کے عوام نے دیکھی ہے ان کے زخموں پر مرہم ،دکھوں کا مداواتحریک انصاف ہر صورت کرے گی،رہنما تحریک انصاف
جمعرات 11 اگست 2016 18:15
کراچی(اُردو پوائنٹ اخبارتازہ ترین - این این آئی۔11 اگست ۔2016ء) پاکستان تحریک انصاف کے مرکزی سیکریٹری جنرل جہانگیر ترین نے کہا ہے کہ کراچی کے عوام بہت عرصے سے تبدیلی کے خواہشمند ہیں۔ جو محرومی اور غربت کراچی کے عوام نے دیکھی ہے ان کے زخموں پر مرہم اور دکھوں کا مداواتحریک انصاف ہر صورت کرے گی۔آئندہ الیکشن کراچی کی عوام کی حمایت سے جیتیں گے اور کراچی والوں کو ایک نیا کراچی دیں گے جس میں جرم، لاقانونیت ، دہشت گردی ، بے روزگاری اور معاشی غربت کا خاتمہ ہوگا اور کراچی کے عوام کھلی فضاء میں سانس لے سکیں گے۔
یہ باتیں انہوں نے کراچی کے دو روزہ دورے پر تحریک انصاف کراچی کے مرکز’’انصاف ہاؤس ‘‘ میں ورکر اجلاس ، لائرز ونگ، یوتھ ونگ، وومن ونگ ، لیبر ونگ کے نمائندوں اور پارٹی کارکنان سے خطاب کرتے ہوئے کہیں۔(جاری ہے)
اس موقع پر ان کے ہمراہ تحریک انصاف سندھ کے صدر و رکن قومی اسمبلی ڈاکٹر عارف علوی، مرکزی ڈپٹی سیکریٹری جنرل عمران اسماعیل،نعیم بخاری، اسحاق خاکوانی،رکن سندھ اسمبلی خرم شیر زمان، حلیم عادل شیخ،سبحان علی ساحل، عزیز آفریدی، جمال صدیقی، دوا خان صابر اور دیگر رہنما بھی موجود تھے۔
انہوں نے مزید کہا کہ کراچی کے بنیادی مسائل سیاست دانوں کے پیدا کردہ ہیں۔ عوامی خدمت کے محکموں کو سیاسی بنیاد پر تباہ کیا جا رہا ہے۔ پانی ، بجلی، صحت و صفائی سے محروم کراچی کی عوام کو ان سیاسی بازیگروں سے نجات دلائیں گے جنہوں نے کئی دہائیوں سے کراچی شہر کو برباد کیا ہے۔انہوں نے مزید کہا کہ پارٹی کی تنظیم سازی مربوط اندازمیں کی جا رہی ہے۔ آئندہ الیکشن میں تحریک انصاف بھاری اکثریت سے جیت کر انصاف کاجھنڈا بلند کرے گی ۔پارٹی کو گروپوں میں تقسیم کرنے والوں کو کسی صورت معاف نہیں کیا جائے گا۔ ایک بار پھر ان کو سختی سے کہتا ہوں کہ وہ گروپنگ چھوڑ دیں ۔ جو لوگ پارٹی میں گروپنگ کریں گے پارٹی میں ان کی کوئی جگہ نہیں ۔اندرون سندھ اور کراچی میں پارٹی کے فیصلے باہمی مشاورت سے کئے جائیں گے ۔انہوں نے مزید کہا کہ تحریک انصاف کراچی میں ایک بار پھر قوت بن کر ابھرے گی ۔ کراچی کے عوام نے تحریک انصاف کو 2013کے انتخابات میں 8لاکھ سے زیادہ ووٹ دئے جو اس بات کی گواہی ہے کہ کراچی کے عوام سمجھتے ہیں کہ تحریک انصاف ہی کراچی کے مسائل کو بہتر طریقے سے حل کر سکتی ہے ۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.