انسداد کانگو وائرس سے حفاظت کیلئے لاہور کے تمام داخلی راستوں پر جانوروں کی چیکنگ اور سپرے کیا جائے‘عبداﷲ خان سنبل
آگاہی مہم کو موثر بنا کر قصابوں، جانوروں کے بیوپاریوں اور اس کاروبار سے متعلقہ افراد کو اس مہم میں شامل کیا جائے‘ کمشنر لاہور ڈویژن
جمعرات 11 اگست 2016 18:21
لاہور(اُردو پوائنٹ اخبارتازہ ترین - این این آئی۔11 اگست ۔2016ء ) انسداد کانگو وائرس کے لیے حفاظتی تدابیر کا کلیدی کردار ہے۔ لاہور و دیگر اضلاع کے تمام داخلی راستوں پر جانوروں کی چیکنگ اور سپرے کیا جائے۔ پولیس کو ضلعی حکومت کی قائم کردہ چیک پوسٹوں پر متعین عملہ کے ساتھ تعاون کے لیے ہدایات جاری کر دی گئی ہیں۔ کانگو وائرس کے کیریئر چیچڑوں کو مکمل طور پر تلف کیا جائے اور تمام اضلاع میں آگاہی مہم کو موثر بنا کر قصابوں، جانوروں کے بیوپاریوں اور اس کاروبار سے متعلقہ افراد کو اس مہم میں شامل کیا جائے۔
انتظامیہ کی حالیہ کاوشیں اطمینان بخش ہیں مگر عید قربان اور منڈیوں میں جانوروں کی آمد کے تناظر میں انتہائی چوکس انتظامات ناگزیر ہیں۔کمشنر لاہور ڈویژن عبداﷲ خان سنبل نے کانگو وائرس کے لیے حفاظتی تدابیر اور انسداد کانگو وائرس کے حوالے سے انتظامات کے بارے میں جائزہ اجلاس کی صدارت کرتے ہوئے ان خیالات کا اظہار کیا۔(جاری ہے)
اجلاس میں ڈی سی او لاہور کیپٹن (ر) محمد عثمان، ایم ڈی کیٹل مارکیٹ کمپنی لاہور ڈویژن ڈاکٹر احتشام، ڈی سی او شیخوپورہ ارقم طارق کے علاوہ محکمہ صحت اور لائیو سٹاک کے افسران نے شرکت کی۔
اجلاس میں ایم ڈی ڈاکٹر احتشام نے کانگو وائرس کے حوالے سے لاہور ڈویژن کی تمام منڈیوں میں جاری اقدامات اور آگاہی مہم کے حوالے سے بریفنگ دی۔اجلاس میں ڈی سی او لاہور نے بتایا کہ ضلعی حکومت نے لاہور کے داخلی راستوں پر جانوروں کی چیکنگ کے لیے باقاعدہ چیک پوسٹیں قائم کر دی ہیں۔ اجلاس میں شرکاء کو آگاہ کیا گیا کہ شاہ پور کانجراں منڈی میں داخلہ کے وقت بھی تمام جانوروں کو چیک کیا جاتا ہے اور منڈی کے اندر بھی سپرے کیا جا رہا ہے۔ لائیو سٹاک کے افسران نے آگاہ کیا کہ محکمہ لائیو سٹاک پورے پنجاب میں جانوروں کو لانے والی گاڑیوں کے لیے ایک موثر میکانزم کے تحت چیکنگ کر رہا ہے۔مزید قومی خبریں
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
-
پا کستا ن کے تیسرے بڑے شہر فیصل آبا د میں ڈکیتی‘ راہزنی اور چوری کی وارداتوں کا سلسلہ جاری
-
چیئرمین و ڈپٹی چیئرمین سینیٹ کاگوادر میں معصوم مزدورں کے قتل پر افسوس کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.