کلرینگ بک سے نسل نو کے ذہنوں سے بد عنوانی سے متعلق سوچ میں تبدیلی آئیگی ٗ قمر زمان چوہدری
نیب انسداد بد عنوانی کا اعلیٰ ادارہ ہونے کی حیثیت سے ملک سے بد عنوانی کے خاتمہ کیلئے آگاہی ،تدارک اور قانون پر عملدرآمد کی کثیر جہتی پالیسی پر عمل پیرا ہے ٗ خطاب
جمعرات 11 اگست 2016 18:44
اسلام آباد (اُردو پوائنٹ اخبارتازہ ترین - این این آئی۔11 اگست ۔2016ء) قومی احتساب بیورو (نیب ) کے چیئرمین قمر زمان چوہدری نے کہاہے کہ کلرینگ بک سے نسل نو کے ذہنوں سے بد عنوانی سے متعلق سوچ میں تبدیلی اور اس سے بچوں کو بد عنوانی کے برے اثرات سے آگاہی حاصل ہو گی، نیب انسداد بد عنوانی کا اعلیٰ ادارہ ہونے کی حیثیت سے ملک سے بد عنوانی کے خاتمہ کیلئے آگاہی ،تدارک اور قانون پر عملدرآمد کی کثیر جہتی پالیسی پر عمل پیرا ہے،بدعنوانی سے انکار کے عنوان سے کلرینگ بک کی افتتاحی تقریب نیب ہیڈ کوارٹر اسلام آباد میں منعقد ہوئی ۔
چیئرمین نیب قمر زمان چوہدری نے تقریب کی صدارت کی ۔ یہ کتاب نیشنل کالج آف آرٹ لاہورنے جاپان انٹرنیشنل کوآپریشن ایجنسی (جائیکا) کے تعاون سے پرائمری سطح کے بچوں کیلئے خاص طورپر مرتب کی ہے ۔(جاری ہے)
اس کا مقصد ملک بھر میں انسداد بد عنوانی کے پیغام کو پھیلاناہے۔ کلرینگ بک کی افتتاحی تقریب میں وفاقی سیکرٹری تعلیم و پیشہ وارانہ تربیت ، پرنسپل نیشنل کالج آف آرٹس لاہور، چیف ریپریزینٹیٹیو جائیکا، جوائنٹ ایجوکیشن ایڈوائزر وزارت تعلیم و پیشہ وارانہ تربیت ، ڈائریکٹرجنرل فیڈرل ڈائریکٹوریٹ آف ایجوکیشن اسلام آباد،سیکرٹری فیڈرل بورڈآف انٹرمیڈیٹ اینڈ سیکنڈری ایجوکیشن اور نمایاں سرکاری اور نجی سکولوں کے نمائندوں نے شرکت کی۔
چیئرمین قمر زمان چوہدری نے اپنے خطاب میں تمام شرکاء کا خیر مقدم کرتے ہوئے کہاکہ بچے ہمارا کل ہیں وہ بڑے ہو کرزندگی کے مختلف شعبوں میں رہنمائی کریں گے ۔ آج جوہم انہیں سیکھائیں گے وہی وہ کل مستقبل میں کریں گے یہی وجہ ہے کہ نیب نے پرائمری سطح کے بچوں کیلئے کلرینگ بک تیار کی ہے جس سے ظاہر ہو تاہے کہ نیب بچوں کو ان کے اساتذہ کے ذریعے ابتدائی عمر میں اس کلرنگ بک کے ذریعے بد عنوانی کے خاتمے کی مہم میں شامل کرنے کیلئے پرعزم ہے۔ اس کتاب میں بد عنوانی کی مختلف اشکال کو واضح کیاگیا ہے اور اس سے ہماری نسل نو کے ذہنوں سے بد عنوانی سے متعلق سوچ تبدیل کرنے میں مدد ملے گی۔ اس سے بچوں کو بد عنوانی کے برے اثرات سے آگاہی حاصل ہو گی ۔ انہوں نے مزید کہاکہ اس تقریب سے پاکستان سے بد عنوانی کیلئے ہماری کوششیں اور عزم ظاہر ہوتاہے ۔ انسداد بد عنوانی تعلیم کا حصہ بننے سے مستقبل میں ایک سنگ میل ثابت ہو گا اور نوجوانوں کی صلاحیتوں کو مثبت سمت میں استعمال کیاجاسکے گا۔ انہوں نے کہاکہ نیب انسداد بد عنوانی کا اعلیٰ ادارہ ہونے کی حیثیت سے ملک سے بد عنوانی کے خاتمہ کیلئے آگاہی ،تدارک اور قانون پر عملدرآمد کی کثیر جہتی پالیسی پر عمل پیرا ہے۔ جب آگاہی اور قانو ن پرعملدرآمد اور پراسیکیوشن کو یکجا کیاجائیگا کہ اختیارات کے نائجائز استعمال کو روکنے میں مددملے گی جس سے بد عنوانی میں کمی آئے ۔ انہوں نے جاپان انٹرنیشنل کوآپریشن ایجنسی (جائیکا) کا کلرینگ بک"بد عنوانی سے انکار" کی تیاری میں تعاون کرنے کو سراہا اور ان کا شکریہ ادا کیا۔ انہوں نے اتنی شاندارکتاب تیارکرنے پر نیشنل کالج آف آرٹ کابھی شکریہ ادا کیا۔ انہوں نے کہاکہ این سی اے کے جن باصلاحیت طالب علموں نے اس کتاب کی تیاری میں حصہ لیا مستقبل میں وہ پاکستان کے مفید شہری ثابت ہوں گے۔ شرکاء نے چیئرمین نیب کے اس اقدام کو سراہا اور اس سلسلہ میں اپنے مکمل تعاون کا یقین دلایا ۔ ان میں اس بات پر اتفاق رائے پایاگیاکہ بد عنوانی کے خاتمہ کیلئے ہم سب کو اپنا کردارادا کرنا چاہیے۔اجلاس کے اختتام پر ملک بھر سے بد عنوانی کے خاتمے کا عزم ظاہر کیاگیا۔متعلقہ عنوان :
مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
لاہور ہائیکورٹ میں اسلام آباد کے چھ ججز کے خط کے حوالے سے جنرل ہائوس کا اجلاس
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.