بھارت اس وقت پاکستان کے خلاف ہر محاذ پر دہشت گردی پر اتر آیا ہے، مولانا فضل الرحمن
ہمیں بھارتی جارحیت کا مقابلہ قومی اتحاد اور یکجہتی اور باہمی تعاون سے کرنا ہوگا،کشمیری عوام پر ڈھائے جانے والے مظالم سے دنیا کو آگاہ کرنے کی ضرورت ہے،گزشتہ پونے دو ماہ سے کشمیر عوام پر ظلم وجبر کے پہاڑ توڑے جا رہے ہیں ، بد قسمتی سے ہم اس پر توجہ دینے کے بجائے اپنی سیاسی الجھنوں میں مصروف نظر آتے ہیں،میڈیاسے گفتگو
جمعرات 18 اگست 2016 23:06
کراچی (اُردو پوائنٹ اخبارتازہ ترین - این این آئی۔18 اگست ۔2016ء) جمعیت علما اسلام(ف)کے سر براہ اور پارلیمانی کشمیر کمیٹی کے چیئرمین مولانا فضل الرحمن نے کہا ہے کہ بھارت اس وقت پاکستان کے خلاف ہر محاذ پر دہشت گردی پر اتر آیا ہے ۔ہمیں بھارتی جارحیت کا مقابلہ قومی اتحاد اور یکجہتی اور باہمی تعاون سے کرنا ہوگا۔ کشمیری عوام پر ڈھائے جانے والے مظالم سے دنیا کو آگاہ کرنے کی ضرورت ہے ۔
گزشتہ پونے دو ماہ سے کشمیر عوام پر ظلم وجبر کے پہاڑ توڑے جا رہے ہیں لیکن بد قسمتی سے ہم اس پر توجہ دینے کے بجائے اپنی سیاسی الجھنوں میں مصروف نظر آتے ہیں۔دہشت گردی کے خاتمے کے لئے بھی حکومت قومی سلامتی کے اداروں اور عوام کو ایک پیج پر آنا ہوگااور دہشت گردی کے اصل اسباب کا تدارک کرنا ہوگا۔(جاری ہے)
ان خیالات کا اظہار انہوں نے جمعرات کو کراچی ائیر پورٹ پر میڈیا کے نمائندوں سے مختصر گفتگو کرتے ہوئے کیا۔
اس موقع پرجمعیت علما اسلام( ف ) کیصوبائی جنرل سیکریٹریراشد محمود سومرو، نائب امیر قاری محمد عثمان ،مرکزی رہنما مولانا عبدالکریم عابد،حماد اﷲ شاہ،مولانا محمد غیاث ،مولانا عمر صادق ،حافظ محمد نعیم ،مولانامحمد مسقین ،مولانا احسان اﷲ ٹکروی،تجارت رہنما بابر قمر عالم اور دیگر بھی موجود تھے۔مولانا فضل الرحمن نے کہا کہ دہشت گردی اس وقت ایک عالمی مسئلہ بن چکا ہے اور اس میں وہی لوگ ملوث ہیں جنہوں نے دہشت گردی کے نام پر مسلم ممالک پر شب خون مارا اور آج پوری امت مسلمہ جنگ وجدل اور خلفشار میں ہے ۔اسلامی ممالک کو عالمی قوتوں کی سازشوں کو بے نقاب کرنے کی ضرورت ہے ۔پاکستان میں جو دہشت گردی کی لہر موجود ہے اس کے خاتمے کے لئے اپنے تمام سیاسی،نظریاتی اور ذاتی مفادات کو ایک طرف رکھتے ہوئے ملکی سلامتی اور بقا اور اس کی نظریاتی اور جغرافیہ سرحدوں کے تحفظ کے لئے متحد ہونا ہوگا۔عالمی اور مقامی پاکستان دشمن قوتیں ہمارے فروعی اور اندورنی اختلافات سے فائدہ اٹھا کر ملک کو انتشار کا شکار کرنا چاہتے ہیں۔ انہوں نے کہا کہ اس وقت کشمیریوں کی تحریک آزادی انتہائی مشکل دور سے گزر رہی ہے اور روز وہاں پر لاشیں اٹھ رہی ہیں عوام سراپا احتجاج ہیں اور دو ماہ سے کرفیو نافذ ہے ۔بھارت کی درندگی اور دہشت گردی کو دنیا کے سامنے لانے کی ضرورت ہے لیکن بد قسمتی سے ہم اپنے سیاسی معاملات پر الجھے ہوئے ہیں۔ہمیں ان الجھنوں کو ایک طرف رکھ کر کشمیریوں کی جدوجہد پر غور کرنا ہوگا۔ مولانا فضل الرحمن نے کہا کہ وزیر اعظم اور ان کے خاندان کے خلاف اگر ریفرنس الیکشن کمیشن میں داخل ہوا ہے تو اس پر الیکشن کمیشن ہی فیصلہ کر سکتا ہے ۔اس پر میں فی الحال کوئی تبصرہ نہیں کر سکتا ہوں۔انہوں نے کہا کہ اس وقت ہمارے لئے سب سے اہم دہشت گردی کی لہر پر کنٹرول اور تحریک آزادی کشمیر کے مسئلہ کو اجاگر کرنا ہے ۔ہمیں ان کی اخلاقی اور سفارتی مدد کرنا ہوگی۔مولانا فضل الرحمن نے کہا کہ نریندر مودی نے آزاد کشمیر ، گلگت بلستان اور بلوچستان کی بات کر کے ہمیں دفاعی راستہ اختیار کرنے پر مجبور کرنے کی ناکام کوشش کی ہے لیکن اس کے باوجود ہمیں بھارتی وزیر اعظم کی اس دھمکی کو نظر انداز نہیں کرنا ہوگا۔لوگوں کے مسائل حل کرنے پر توجہ دینی ہوگی۔معاملات سیاسی ہوں یا جنگی ان کا آخری حل مزاکرت ہی ہے۔اس لئے ہم اپنے لوگوں کے ساتھ بیٹھ کر بات کیوں نہیں کرسکتے۔ایک سوال کے جواب میں انہوں نے کہا کہ اگر کسی فرد نے درد دل کے ساتھ کوئی بات کی ہے تو اس پر غداری سمیت دیگر الزامات لگانا انتہائی افسوسناک عمل ہے۔ہمیں اپنی کوتاہیوں کو مد نظر رکھتے ہوئے ان کی اصلح کرنا ہوگی۔جمعیت علما اسلام( ف ) کے سربراہمولانا فضل الرحمن 21 اگست کو مہران ٹان کراچی میں شام 4 بجے جمعیت علما اسلام( ف) کے کنونشن کی صدارت کریں گے۔متعلقہ عنوان :
مزید اہم خبریں
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.