کراچی ،شدید گرمی کے بعد طوفانی بارش، معمولات زندگی درہم برہم

سب سے زیادہ بارش ایئرپورٹ کے علاقے میں ریکارڈ کی گئی ،ایک گھنٹے میں 43ملی میٹر بارش ہوئی

ہفتہ 27 اگست 2016 17:26

کراچی (اُردو پوائنٹ اخبارتازہ ترین - این این آئی۔27 اگست ۔2016ء) شہر قائد میں گزشتہ روز سے جاری گرمی کے بعد مختلف علاقوں میں ہونے والی بارش نے موسم کو خوش گوار کردیا ہے۔شہر قائد میں ہفتے کی صبح سے ہی شدید گرمی تھی اوردوپہر 12 بجے تک درجہ حررات بجے درجہ حرارت 36 ڈگری سینٹی گریڈ تک جاپہنچا تاہم آنا فانا ہی گہرے سیاہ بادلوں نے شہر کو اپنی لپیٹ میں لے لیا اور ملیر، گڈاپ، لانڈھی، کورنگی، سہراب گوٹھ، ناظم آباد اور گلشن اقبال سمیت مختلف علاقوں میں تیز ہواں کے ساتھ بارش شروع ہوگئی۔

اب تک سب سے زیادہ بارش ایئرپورٹ کے علاقے میں ریکارڈ کی گئی ہے جہاں صرف ایک گھنٹے میں 43 ملی میٹر بارش ہوچکی ہے۔تیز ہواں کے باعث سہراب گوٹھ میں لگنے والی ایشیا کی سب سے بڑی روایتی مویشی منڈی مین نصب ٹینٹ اکھڑ گئے ہیں جب کہ 250 سے زائد فیڈر ٹرپ کرجانے سے شہر کا بڑا حصہ بجلی سے بھی محروم ہوگیا ہے۔

(جاری ہے)

دوسری جانب سپرہائی ٹول پلازہ کے قریب مکان کی دیوار گرنے سے ایک شخص جاں بحق جب کہ 3 افراد زخمی ہوگئیم الفلاح سوسائٹی میں کرنٹ لگنیسیایک شخص جاں بحق ہوگیا۔

ترجمان کے الیکٹرک نے اپنے بیان میں عوام سے اپیل کی ہے کہ بارش کے موسم میں شہری احتیاط برتیں، ٹوٹے تاروں اور کھمبوں سے دور رہیں۔دوسری جانب واٹربورڈ میں رین ایمرجنسی نافذ کرتے ہوئے نکاسی آب کیلییعملہ طلب کرلیا گیا۔ ایم ڈی کراچی واٹر اینڈ سیریج بورڈ مصباح الدین فرید نے ہدایت کی ہے کہ سیوریج پمپنگ اسٹیشنوں کو ہر صورت فعال رکھاجائے، بجلی معطلی کی صورت میں جنریٹر پمپس چلائے جائیں جب کہ شہری بارش کے پانی کی نکاسی کے لیے مین ہول نہ کھولیں۔محکمہ موسمیات کا کہنا ہے کہ بارش کا سلسلہ اتوار کی شام تک جاری رہے گا اور اس دوران تیز ہوائیں بھی چلیں گی۔واضح رہے کہ محکمہ موسمیات نے رواں برس گزشتہ 3 برسوں کے مقابلے میں زائد بارش کی پیش گوئی کررکھی ہے۔