ضرروی نہیں بھارت صرف حملہ کرے وہ چھپ کر بھی وار کرسکتا ہے، پاکستان پر پانی کی بندش اتنی آسان نہیں ہوگی،پاکستان میں ہونیوالی دہشت گردی کے پیچھے بھارت کا ہاتھ ہے،ہمیں گلی کوچوں میں بھی دہشت گردی روکنے کیلئے چوکنا رہنا ہوگا ، قوم اور تمام سیاسی قیادت دشمن کے خلاف متحد ہے لیکن اس کا اظہار عمل سے کرکے دکھانا ہوگا ، دنیا کو مثبت پیغام دینے کیلئے حکومت و اپوزیشن کواکٹھے ہونے کی ضرورت ہے ،بھارتی وزیراعظم نے جس طرح کی زبان استعمال کی ایسی کسی ملک کے سربراہ کے منہ سے نہیں سنی ، مودی کے بیانات سے ظاہر ہوتا ہے کہ کون خطے میں جنگ اور کون امن چاہتا ہے، بھارت کی تو بہت ساری خواہشات ہیں لیکن ضروری نہیں وہ جیسا چاہیں ویسا ہی ہو
وفاقی وزیر داخلہ چوہدری نثار علی خان کی میڈیا سے گفتگو
پیر 26 ستمبر 2016 20:40
چکری(اُردو پوائنٹ تازہ ترین اخبار۔ 26 ستمبر - 2016ء) وفاقی وزیرداخلہ چوہدری نثار علی خان نے کہا ہے کہ ضرروی نہیں بھارت صرف حملہ کرے وہ کوئی بھی روپ اختیار کرسکتا ہے ،بھارتی وزیراعظم کے بیانات سے ظاہر ہوگیا خطے میں کون جنگ اور کون امن چاہتا ہے۔پیر کو چکری میں میڈیا سے بات کرتے ہوئے چوہدری نثار نے کہا کہ پچھلے چند دنوں کے واقعات کے حوالے سے چند مثبت پہلو سامنے آئے ہیں، قوم اور تمام سیاسی قیادت دشمن کے خلاف متحد ہے لیکن اس کا اظہار صرف بیانات سے نہیں بلکہ عمل سے کرکے دکھانا ہوگا اور حکومت و اپوزیشن کواکٹھے ہونے کی ضرورت ہے تاکہ دنیا کو مثبت پیغام جائے۔
انہوں نے کہا کہ ہمیں دشمن کے خفیہ وار کے لیے چوکس رہنا ہوگا، ضروری نہیں کہ دشمن گولہ باری ہی کرے وہ چھپ کربھی وار کرسکتا ہے، اس کا حملہ کسی بھی شکل میں ہوسکتا ہے لہٰذا ہمیں گلی کوچوں میں بھی دہشت گردی روکنے کے لیے چوکنا رہنا ہوگا۔(جاری ہے)
وفاقی وزیرداخلہ نے عالمی برادری سے نریندر مودی کے بیانات کا نوٹس لینے کا مطالبہ کرتے ہوئے کہا کہ بھارتی وزیراعظم نے جس طرح کی زبان استعمال کی میں نے آج تک کسی ملک کے سربراہ کو اس طرح کی زبان استعمال کرتے نہیں دیکھا جب کہ مودی کے بیانات سے ظاہر ہوتا ہے کہ کون اس خطے میں جنگ اور کون امن چاہتا ہے۔
پاکستان پر پانی کی بندش سے متعلق سوال پر چوہدری نثار کا کہنا تھا کہ یہ کام اتنا آسان نہیں ہوگا کیوں کہ دنیا کے بھی کچھ قانون اور ضابطے ہیں اور بھارت کی تو بہت ساری خواہشات ہیں لیکن ضروری نہیں وہ جیسا چاہیں ویسا ہی ہو۔ انہوں نے مزید کہا کہ پاکستان میں ہونے والی دہشت گردی کے پیچھے ہندوستان کا ہاتھ ہے جب کہ ہمیں ہمسایہ ملک کی دھمکیوں سے بھی دنیا کو آگاہ کرنا چاہیے۔چوہدری نثار نے کہا کہ الیکشن کے حوالے سے قانون پر عمل داری کی پابندی سب پر ہونی چاہیے،مسلم لیگ ن کی قیادت کو الیکشن مہم میں حصہ نہیں لینے دیا گیا،آج اندرونی سیاست کا نہیں بلکہ بیرونی دشمن کے خلاف متحد ہونے کا وقت ہے۔انہوں نے کہا کہ ملک کی طرف میلی آنکھ سے دیکھنے والوں کے خلاف قوم یکجا ہے،پاکستان کے بار ے میں کسی ملک کو غلط فہمی نہیں ہونے چاہیے،اپوزیشن اور حکومت مل کر اتحاد کا مظاہر ہ کرے۔وزیرداخلہ نے کہا کہ ملک میں انتخابات شفاف عمل کے ذریعے پولیس اور رینجرز کی نگرانی میں ہورہے ہیں۔انہوں نے کہا کہ ہمارے دوست ممالک چین،ترکی اور سعودی عرب سمیت دیگر ممالک کو بھی کشمیر کی صورتحال سے آگاہ کیا گیا۔چوہدری نثار نے کہا کہ عالمی برادری کو نوٹس لینا چاہیے کہ کون خطے میں شرارت کر نا چاہتا ہے۔مزید اہم خبریں
-
لاہور : سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا
-
حکومت کا پیٹرولیم مصنوعات کی قیمتیں ڈی ریگولیٹ کرنے پر غور
-
پنجاب میں 23 اپریل سے بارشوں کا نیا سلسلہ داخل ہو گا
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
اسرائیلی جنگی طیاروں کا جنوبی شام میں فوجی اڈے پر حملہ
-
قومی اسمبلی،بلاول بھٹو وزیرِ اعظم کی نشست پربیٹھ گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.