سپریم کورٹ نے حکومت کو وفاقی ہسپتالوں کے انتظامی سربراہان کی تقرری کیلئے سات نومبر تک تقرری کا حکم دے دیا

میاں محمد ندیم جمعہ 30 ستمبر 2016 13:47

اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔30 ستمبر۔2016ء) سپریم کورٹ نے حکومت کو وفاقی ہسپتالوں کے انتظامی سربراہان کی تقرری کیلئے سات نومبر تک تقرری کا حکم دے دیا ، عدالت کا کہنا ہے کہ آخر حکومتی ناکامی کی وجہ کیا ہے ؟ ایڈہاک ازم کے کلچر کو کیوں فروغ دیا جا رہا ہے۔چیف جسٹس انور ظہیر جمالی کی سربراہی میں تین رکنی بینچ نے وفاقی ہسپتالوں کے انتظامی سربراہان کی تقرری سے متعلق کیس کی سماعت کی۔

چیف جسٹس نے استفسار کیا کہ بڑے بڑے ادارے سربراہان کے بغیر کس طرح چل رہے ہیں ، آخر حکومتی ناکامی کی وجہ کیا ہے ؟ ایڈہاک ازم کے کلچر کو کیوں فروغ دیا جا رہا ہے؟ صحت کے اداروں سے عوام کے بنیادی حقوق وابستہ ہیں ، دل کے ڈاکٹر کو انتظامی کام سونپ دیئے گئے۔

(جاری ہے)

چیف جسٹس نے اٹارنی جنرل سے استفسار کیا کہ میرٹ پر سربراہان کی تقرری کیلئے کتنا وقت چاہئے۔

اٹارنی جنرل نے استدعا کی کہ تقرریوں کیلئے دو ماہ کا وقت دے دیں۔ اس پر جسٹس امیر ہانی مسلم کا کہنا تھا کہ ہسپتالوں میں لوگ مر رہے ہیں آپ کو دو ماہ چاہئیں ، کیا ہسپتالوں کے ایڈمنسٹریٹر اور ایگزیکٹو ڈائریکٹرز کی تعیناتی کیلئے عدالتی مداخلت ضروری ہے۔ عدالت عظمیٰ نے حکومت کو وفاقی ہسپتالوں کے سربراہان کی7 نومبر تک ہرصورت تقرری کا حکم دیتے ہوئے سماعت ملتوی کر دی۔

Facebook Twitter Google + Share on Whatsapp

سپریم کورٹ نے حکومت کو وفاقی ہسپتالوں کے انتظامی سربراہان کی تقرری کیلئے سات نومبر تک تقرری کا حکم دے دیا

متعلقہ عنوان :

مزید اہم خبریں