23 نکاتی ایجنڈا،پنجاب کابینہ کا چار گھنٹے طویل اجلاس
وزیر اعلی کی خوشگوار انداز میں گفتگو ،پنجاب سپیڈ پر شہباز شریف کو مبارکباد
جمعہ 7 اکتوبر 2016 22:46
لاہور(اُردو پوائنٹ تازہ ترین اخبار۔ 7 اکتوبر- 2016ء ) وزیر اعلی پنجاب محمد شہباز شریف کی زیر صدارت پنجاب کابینہ کا اجلا س چار گھنٹے تک جاری رہا- اجلاس میں 23 نکاتی ایجنڈے پر غور کیا گیا اور کئی اہم امور کی منظوری دی گئی اور اہم فیصلے کئے گئے - وزیر اعلی نے اجلاس کے دوران بعض مواقع پر خوشگوار انداز میں گفتگو کی جس پر کابینہ کے اراکین خوب محظوظ ہوئے - اجلاس کے دوران شرکاء نے توانائی منصوبوں کی برق رفتاری سے تکمیل کے حوالے سے وزیر اعلی شہباز شریف کی غیر معمولی صلاحیتوں کی تعریف کی اور انہیں مبارکباد دیتے ہوئے کہا کہ پاکستان اوربیرون ملک میں بھی شہباز شریف کی کارکردگی کو بھرپور ستائش مل رہی ہے اور چین میں وزیر اعلی شہباز شریف کی منصوبوں کی تکمیل کیلئے کام کرنے کی غیر معمولی رفتار کو پنجاب سپیڈ کا اعزاز قرار دیا گیا ہے-یہ صرف پنجاب کا نہیں بلکہ پورے پاکستان کیلئے اعزاز ہے کہ وزیر اعلی شہباز شریف کی غیر معمولی کارکردگی کو چین جیسا ترقی یافتہ ملک بھی قابل ستائش قرار دے رہا ہے - وزیر اعلی نے اجلاس سے خطاب کرتے ہوئے کہا کہ اگر تمام ادارے اور محکمے اسی جذبے اور رفتار کے ساتھ فرائض سرانجام دیں تو پاکستان کی تقدیر بدل جائے گی- وزیر اعلی نے توانائی منصوبوں خصوصا ساہیوال کول پاور پراجیکٹ اور بھکی گیس پاور پراجیکٹ پر کام کی رفتار کو سراہتے ہوئے کہا کہ ان منصوبوں کیلئے بے پناہ محنت سے کام کیا گیا ہے اور یہ محنت اب رنگ لا رہی ہے اور وہ دن دور نہیں جب پاکستانی عوام ان منصوبوں سے حاصل ہونے والی بجلی سے استفادہ کریں گے-
متعلقہ عنوان :
مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.