وزیر اعظم اور آرمی چیف کی میٹنگ کا کوئی حصہ ریلیز نہیں ہوا٬ فوج سے متعلق متنازع خبر سراسر غلط ہے ٬سکینڈل کی تحقیقات آخری مراحل میں ہے٬ بہت جلد ذمہ دار سامنے آ جائیں گے ٬ اے پی سی سے جو انفارمیشن باہر آئی وہ نہیں آنی چاہیے تھی

وزیر اعظم کے ترجمان مصدق ملک کی نجی ٹی وی کے پروگرام میں گفتگو

منگل 18 اکتوبر 2016 23:21

اسلام آباد(اُردو پوائنٹ اخبارتازہ ترین - آئی این پی۔ 18 اکتوبر2016ء) وزیر اعظم کے ترجمان مصدق ملک نے کہا ہے کہ وزیر اعظم اور آرمی چیف کی میٹنگ کا کوئی حصہ ریلیز نہیں ہوا٬ فوج سے متعلق متنازع خبر سراسر غلط ہے ٬سکینڈل کی تحقیقات آخری مراحل میں ہیں بہت جلد ذمہ دار سامنے آ جائیں گے ٬ اے پی سی سے جو انفارمیشن باہر آئی وہ نہیں آنی چاہیے تھی ۔

(جاری ہے)

منگل کو نجی ٹی وی پروگرام میں گفتگو کر تے ہوئے مصدق ملک نے کہا کہ حکومت کا موقف ہے کہ کوئی خبر لیک نہیں کی گئی یہ خبرسراسر غلط ہے اس کے متعلق ابھی تحقیقات جاری ہیں ٬ ہماری طرف سے وزیراعظم اور آرمی چیف کی میٹنگ کا کوئی حصہ ریلیز نہیں ہوا ۔انہوں نے کہا کہ میٹنگ سے پہلے کیمرہ مین کھڑے تھے مگر آڈیو جاری نہیں کی گئی ۔ اے پی سی سے جو انفارمیشن باہرآئی وہ نہیں آنی چاہیے تھی ۔مصدق ملک نے کہا کہ آئی ایس پی آر نے حکومت پر کوئی الزام عائد نہیں کیا اور نہ ہی خبر کی تصدیق کی ہے٬سکینڈل کی تحقیقات آخری مراحل میں ہیں بہت جلد ذمہ دار سامنے آ جائیں گے ۔