ائیر انڈیا کی پرواز میں مسافروں کے کھانے سے مردہ لال بیگ نکل آیا ،ْ مسافر آگ بگولہ

مسافروں نے لال بیگ کی تصاویر بنا کر سوشل میڈیا پر اپ لوڈ کر دی شرمناک اور غفلت پر مبنی واقعہ پیش آنے پر ایئر انڈیا نے معافی مانگ لی ،ْ تحقیقات کا آغاز

جمعرات 17 نومبر 2016 13:18

ائیر انڈیا کی پرواز میں مسافروں کے کھانے سے مردہ لال بیگ نکل آیا ،ْ ..

نئی دہلی(اُردو پوائنٹ اخبارتازہ ترین - این این آئی۔ 17 نومبر2016ء) ایئر انڈیا کی پروا ز میں مسافر اس وقت آپے سے باہر ہو گیا جب اس کے کھانے سے مردہ لال بیگ نکل آیا ۔

(جاری ہے)

بھارتی میڈیا کے مطابق بھارت سے شکاگو جانے والی ایئر انڈیا کی پرواز میں ایک مسافرکو کھانا دیا گیا جس میں سے مردہ لال بیگ برآمد ہو ا جس پر مسافر نے عملے کو طلب کر کے خوب دل کی بھڑاس نکالی اور لال بیگ کی تصاویر بنا کر سوشل میڈیا پر اپ لوڈ کر دی ۔

مسافر نے تصاویر سوشل میڈیا پر شیئر کرکے تبصرہ کیا کہ ’’اب ایئر انڈیا کی پرواز میںانسانوں کو کھانے کیلئے مردہ لال بیگ بھی پیش کیے جارہے ہیں ‘‘ دوسری جانب اس قسم کا شرمناک اور غفلت پر مبنی واقعہ پیش آنے پر ایئر انڈیا نے معافی مانگ لی ہے اور واقعہ کی تحقیقات کا آغاز کر دیا گیا ۔