چین کی انٹرنیٹ کمپنی ’’ٹین سینٹ‘‘ کے خالص منافع میں 43 فیصد اضافہ

جمعرات 17 نومبر 2016 14:02

بیجنگ ۔ (اُردو پوائنٹ اخبارتازہ ترین - اے پی پی۔ 17 نومبر2016ء) چین کی سب سے بڑی انٹرنیٹ کمپنی ’’ٹین سینٹ‘‘ نے کہا ہے کہ رواں سال کی تیسری سہ ماہی کے دوران اس کے خالص منافع میں 43 فیصد اضافہ ہوا۔

(جاری ہے)

ٹین سینٹ کی جاری رپورٹ کے مطابق تیسری سہ ماہی کے دوران خالص منافع اضافے سے 10.6 ارب یوآن تک پہنچ گیا جس کی وجہ سمارٹ فون گیمز کی مقبولیت اور تشہیر میں اضافہ ہے۔ رپورٹ کے مطابق اس عرصہ کے دوران آمدنی گزشتہ سال کے اسی عرصہ کے مقابلے میں 52 فیصد اضافے سے 40.4 ارب یوآن رہی۔ ٹین سینٹ کے چئیرمین ما ہائو تنگ نے کہا ہے کہ آن لائن گیمز سے حاصل ہونے والی آمدنی 27 فیصد اضافے سے 18.2 ارب یوآن اور آن لائن تشہیر سے حاصل ہونے والی آمدنی 83 فیصد بہتری سے 4.4 ارب یوآن تک پہنچ گئی۔