مستقبل میں پٹرولیم مصنوعات کی ممکنہ قلت کے پیش نظر حکومت کی جانب سے ذخیرے میں اضافے کا فیصلہ

جمعرات 17 نومبر 2016 17:28

مستقبل میں پٹرولیم مصنوعات کی ممکنہ قلت کے پیش نظر حکومت کی جانب سے ..
کراچی (اُردو پوائنٹ اخبارتازہ ترین - این این آئی۔ 17 نومبر2016ء) عالمی منڈی میں خام تیل کی قیمتوں میں اتار چڑھائو سے بچنے کے لئے حکومت نے کمر کس لی اور ملک میں پیٹرولیم مصنوعات کا ذخیرہ دگنا کرنے کا فیصلہ کرلیا ۔ موجودہ حالات کو مدنظر رکھتے ہوئے حکومت نے ملک میں تیل کا ذخیرہ دگنا کرنے کا حتمی فیصلہ کرلیا ہے ۔ ذرائع کے مطابق پیٹرولیم مصنوعات کو سٹور کرنے کے لئے حکومت نے نجی اور بیرونی سرمایہ کاروں کو دعوت بھی دے دی ہے ۔

(جاری ہے)

اس وقت ملک میں 21 روز کا تیل ذخیرہ کرنے کی گنجائش موجود ہے ۔ ماہرین کے مطابق دنیا بھر میں تیل کی قیمتوں میں اتار چڑھائو کے اثرات سے بچنے کے لئے سٹوریج کپیسٹی کو بڑھایا جاتا ہے ۔ دوسری جانب کسی بھی ہنگامی صورتحال سے بچنے کے لئے بھی ملک میں تیل کے وافر مقدارمیں ذخائر ہونا بہت ضروری ہیں اس لئے حکومت کا پیٹرولیم مصنوعات کے ذخیرے کو بڑھانے کے لئے اٹھایا گیا یہ قدم آئندہ آنے والے وقتوں میں بہت مفید ثابت ہوگا ۔

متعلقہ عنوان :