عمران خان کا لندن میں مے فئیر فلیٹس کے سابقہ مالکان سے ملاقات کا فیصلہ، شیخ رشید بھی ہمراہ جائیں گے

محمد علی جمعرات 17 نومبر 2016 21:49

اسلام آباد (اردوپوائنٹ اخبارتازہ ترین۔17نومبر2016ء) عمران خان کا لندن میں مے فئیر فلیٹس کے سابقہ مالکان سے ملاقات کا فیصلہ کیا ہے۔ تفصیلات کے مطابق تحریک انصاف کے سربراہ عمران خان نے سپریم کورٹ میں چل رہے پانامہ لیکس کیس کی اگلی سماعت سے قبل لندن میں شریف خاندان کے مے فئیر فلیٹس کے سابقہ مالکان سے ملاقات کا فیصلہ کیا ہے۔

(جاری ہے)

عمران خان کیس کی 29 نومبر کو ہونے والی اگلی سماعت سے قبل شریف خاندان کیخلاف ٹھوس شواہد اکٹھا کرنے کے غرض سے فلیٹس کے سابقہ مالکان سے ملاقات کریں گے۔ جبکہ اس مقصد کیلئے شیخ رشید نے بھی عمران خان کے ہمراہ لندن جانے کا فیصلہ کیا ہے۔