عمران خان کی سابقہ اہلیہ ریحام کا دورہ مظفر آباد

منگل 29 نومبر 2016 15:22

مظفرآباد (اُردو پوائنٹ اخبارتازہ ترین - آن لائن۔ 29 نومبر2016ء) چیئرمین تحریک انصاف کے سابقہ اہلیہ ریحام خان کا دورہ مظفرآباد ، سری نگر فائونڈیشن کے چیئرمین حافظ میاں شمس الرحمان کی جانب سے دئیے گئے استقبالیہ میں شرکت ،مہاجر کیمپ امبور (کشمیر کالونی )کا معائینہ ، مہاجر خاندانوں اور بالخصوص مہاجرین کے بچوں کے مسائل سے آگاہی حاصل کی ۔

مہاجرین کے بچوں کی تعلیم او ر فلاح و بہبود کیلئے ڈیٹا اکٹھا کرنے کی ہدایت، بچوں کیلئے ادارہ قائم کرنے کا ارادہ ، تفصیلات کے مطابق ریحام خان نے گزشتہ روز دورہ مظفرآباد کے دوران مہاجرکیمپ امبور کشمیر کالونی کا دورہ کیا۔ اس دوران کیمپ کے صدر اور مہاجرین کے نمائندہ سیاسی و سماجی کارکن سری نگر فائونڈیشن نامی سماجی اور رفاعی تنظیم کے چیئرمین حافظ میاں شمس الرحمان نے محترمہ ریحام خان کے اعزاز میں استقبالیہ دیا اس دوران کیمپ کے خواتین و حضرات نے ریحام خان کو اپنے مسائل سے آگاہ کیا ۔

(جاری ہے)

ریحام خان نے کہا کہ مہاجرین کے بچوں کا ڈیٹا اکٹھا کیا جائے تاکہ بچوں کی تعلیمی کفالت ، تعلیم اور فلاح و بہبود کیلئے عملی کام کیا جا سکے ۔ کیمپ کے صدر میاں حافظ شمس الرحمان اور دیگر نے ریحام خان کو کیمپ کا دورہ کرکے مہاجرین سے ملاقات اور ان کے مسائل سے آگاہی حاصل کرنے پر ان کا شکریہ ادا کیا ۔