عدالت نے عمران فاروق قتل کیس کے لزمان کاشف خان کامران، محمد انور اور افتخار حسین کے وارنٹ گرفتاری جاری کردئیے

جمعہ 2 دسمبر 2016 18:20

اسلام آباد (اُردو پوائنٹ اخبارتازہ ترین - این این آئی۔ 02 دسمبر2016ء) اسلام آباد کی انسداد دہشت گردی کی عدالت نے عمران فاروق قتل کیس کے لزمان کاشف خان کامران، محمد انور اور افتخار حسین کے وارنٹ گرفتاری جاری کردئیے۔ڈاکٹر عمران فاروق قتل کیس میں انسداد دہشت گردی کی عدالت کے جج سید کوثر عباس زیدی نے ایف ا?ئی اے کی درخواست پر سماعت کی ۔

(جاری ہے)

ایف آئی اے کی استدعا پر 3ملزمان کے وارنٹ گرفتاری جاری کیے گئے۔

ایف آئی اے چالان کے مطابق کاشف خان کامران براہ راست عمران فاروق کے قتل میں ملوث ہے۔پراسیکوٹر ایف آئی اے وسیم رانجھا کی استدعا پر وارنٹ گرفتاری جاری کیے گئے۔مقدمے کے 3ملزمان معظم علی ، خالد شمیم اور محسن علی سید گرفتار اور اڈیالہ جیل راولپنڈی میں قید ہیں۔ کیس کی آئندہ سماعت 8دسمبر کوہوگی۔